شہباز شریف ءِ 14 دے اکن جونی ریمانڈ آ نیب انا دوٹی تننگا
Get real time updates directly on you device, subscribe now.
لاہور (آن لائن) احتساب عدالت منی لانڈرنگ و اثاثہ جات کیس اٹ دزگیر مسلم لیگ (ن) نا صدر و قائد حزب اختلاف شہباز شریف ءِ 14 دے ئی جسمانی ریمانڈ آ نیب انا حوالہ کننگا، شہباز شریف سماعت نا وخت آ تینا رکھ ءِ تینٹ کرے، عدالت منی لانڈرنگ و اثاثہ جات کیس اٹ شہباز شریف نا مسڑ جویریہ علی ءِ حاضری آن استثنیٰ تننگ نا درخواست ءِ منظور کرے وخت اس کہ شہباز شریف نا اُرائی نصرت شہباز و مسڑ رابعہ نا پیش مفننگ آ ناقابل ضمانت وارنٹ دزگیری جاری کرسا دزگیر کرسا پیش کننگ نا پرمان تس۔ احتساب عدالت نا جج جواد الحسن کیس انا سماعت ءِ کرے۔ نیب بھاز سخت ءُ سکیورٹی اسے ٹی شہبازشریف ءِ عدالت نا مون آ پیش کرے۔