اسسٹنٹ کمشنر بختیارآباد میر بہادر خان بنگلزئی نا کماشی ٹی بختیارآباد اٹی غاو دیوان
Get real time updates directly on you device, subscribe now.
سیوی/بختیارآباد، وزیراعلیٰ بلوچستان میر سرفراز بگٹی و چیف سیکرٹری بلوچستان شکیل قادر خان نا پرمان و ڈپٹی کمشنر سیوی میجر (ریٹائرڈ) الیاس کبزئی نا پارت آ تدوک آ دے بختیارآباد اٹی غاو دیوان اڈہلک۔ ہرانا کماشی ءِ اسسٹنٹ کمشنر بختیارآباد میر بہادر خان بنگلزئی کرے۔ دا السی غاو دیوان اٹی ایس ڈی پی او محمد آصف خجک، چیئرمین یونین کونسل میر محمد اکبر سولنگی تون اوار سرکاری محکمہ غاتا افسر و نمائندہ غاک ساڑی ئسر۔ دا وخت آ الس نا کنڈ آن انتظامیہ نا مون آ سفا انگا کنوئی آدیر انا فراوانی، بجلی نا پوسکن آ ٹرانسفارمر تا خلنگ‘ جانجوڑی نا بنداوی آسراتی تا فراوانی و اسکول آتیٹی استاد آتا غیر حاضری تون اوار ایلو السی ویل و خواری تے پیش کننگا۔ اسسٹنٹ کمشنر بختیارآباد میر بہادر خان بنگلزئی شاری تا غاو و السی ویل آتے سکوت اٹ خف تورے و جاگہ غا تعلقدار محکمہ غاتا افسر آتتیان ویل آتا بابت حوال ہلک۔ او تعلقدار کمامدار آتے پارت کرے کہ السی ویل آتا دمدستی و اولیتی بنداو آ ایسری ءِ امر کہ مرے پک کننگے۔