ڈپٹی کمشنر قلات انجینئر عائشہ زہری نا گورنمنٹ گرلز ڈگری کالج نا اناگت دورہ
Get real time updates directly on you device, subscribe now.
قلات، ڈپٹی کمشنر قلات انجینئر عائشہ زہری گورنمنٹ گرلز ڈگری کالج قلات نا اناگت دورہ ءِ کرے۔ داوخت آ پرنسپل گرلز ڈگری کالج عدیلہ زیب ڈپٹی کمشنر ءِ کالج نا جتا جتا بشخ آتا دورہ کرفے و کالج اٹی ساڑی بنداوی آسراتی مون تروک ویل‘ تدریسی کارندہ غاتا کچ‘ استاد تا حاضری، کلاس روم تیٹی مسڑ طالب علم آتا کچ‘ برجا کورس، لائبریری ٹی ساڑی کتاب و پوسکن تفنگوک ماڑی نا آب اتون اوار ایلو دفتری باندات آتا بابت اسہ جم بریفنگ تس۔ ڈپٹی کمشنر دورہ نا وخت آ غیر حاضر استاد آتا سخت نوٹس ءِ ہلسا مسڑ طالب علم آتتون اوڑدہی کرے واوفتیان مون تروک ویل و تعلیمی اڑاند آتا بابت حوال کرے۔ ڈپٹی کمشنر کالج اٹی پوسکن تفنگوک ماڑی ٹی ہیبدار مٹیریل نا کاریم اٹ اتنگ آ ترند مرسا تعلقدار کمامدار آتیان دا بابت دمدستی و جم رپورٹ بٹنگ انگ نافیصلہ کرے۔ داوخت آ ڈپٹی کمشنر انجینئر عائشہ زہری پارے کہ تعلیم نا بشخ آ ہچ ءُ وڑ اسے نا سمجھوتہ کننگپک و طالب علم آتا فکری و تعلیمی آخبت ءِ پورو وڑ اٹ رکھ فراوان کننگک۔