وزیراعلیٰ بلوچستان نا وژن نا رِداٹ ”کمک پروگرام” نا کمک اٹ نیم جان بندغ آتے ٹرائی سائیکل تننگا
Get real time updates directly on you device, subscribe now.
کوئٹہ، وزیراعلیٰ بلوچستان میر سرفراز احمد بگٹی نا الس دوست وژن و خاص پارت وخت اس کہ پارلیمانی سیکرٹری راجی آسودہی حاجی ولی محمد نورزئی نا راہشونی ٹی محکمہ راجی آسودہی حکومتِ بلوچستان نا کنڈ آن نیم جان بندغ آتا آسراتی و آسودہی و اواری و واکدار جوڑ کننگ کن السی و عملی گام گیج آتا ردوریسہ برجا ءِ۔ ہندا رد اٹ ”کمک پروگرام” نا رِداٹ نیم جان بندغ آتے ٹی ٹرائی سائیکل بشخ و پانٹ نا کاریم برجا ءِ‘ ہرانا مسخت نیم جان بندغ آتے ہن وبر نا آسراتی فراوان کننگ، وتواجہی نا شون تننگ و راجی و زرگزرانی سرجز آتیٹی اوفتا زیات آن زیات بشخ ہلنگ ءِ پک کننگءِ۔ راجی آسودہی بلوچستان نا ڈائریکٹر جنرل (DG) میر سیف اللہ کھیتران حوالکاری نمائندہ غاتتون ہیت کرسا پارے کہ صوبائی حکومت نیم جان بندغ آتے پورو عملی کمک و بریبر وارخواہی فراوان کننگ و اوفتے راج انا فعال بشخ جوڑ کننگ کن پورو وڑ اٹ سنبرینگوک ءِ۔