ڈپٹی کمشنر صحبت پور فریدہ ترین نا ڈسٹرکٹ ایجوکیشن افسر تون اوار گورنمنٹ بوائز پرائمری اسکول نا دورہ
Get real time updates directly on you device, subscribe now.
صحبت پور، ڈپٹی کمشنر صحبت پور فریدہ ترین ڈسٹرکٹ ایجوکیشن آفیسر تون اوار گورنمنٹ بوائز پرائمری اسکول گوٹھ عبدالفتح کھوسہ نا دورہ ءِ کرے‘ دورہ نا وخت آ ڈپٹی کمشنر اسکول اٹی برجا تدریسی عمل، تعلیمی چاگڑد طالب علم آتا حاضری، استاد آتا حاضری و اسکول اٹی دوئی بنداوئی آسراتی تا جاچ ءِ ہلک ۔دا وخت آ ڈپٹی کمشنر فریدہ ترین کلاس روم تیا ہنا و طالب علم آتتون تلیمی سرجز و نصاب نابت سوج ورندی کرے و اوفتا تعلیمی لائخی نا جاچ ءِ ہلک۔ او شرفمند استاد آتتون ہم تدریسی وڑ و ڈول‘ طالب علم آتا تعلیمی کارکڑد و اسکول ءِ مون تروک ویل آتا بابت حوال ہلک۔ ڈپٹی کمشنر اسکول نا انتظامیہ ءِ پارت کرے کہ طالب علم آتے گچین و آب اٹو تعلیم نا فراوانی تون اوار اوار اسکول اٹی نظم و ضبط، سفائی نا گچین بست و بند و تعلیمی چاگڑد ءِ پین گچین و جوان جوڑ کننگ کن گام گیج کننگے۔