دہشتگردی تور بل گیشتری نا سلاہ اٹ منظور
Get real time updates directly on you device, subscribe now.
اسلام آباد (اے پی پی) قومی اسمبلی گیشتری سلاہ اٹ اقوام متحدہ سلامتی کونسل (ترمیمی) بل 2020ءنا منظوری ءِ تس۔ چارشنبے نادے آ قومی اسمبلی ٹی وزیراعظم نا سلاہکار پارلیمانی باندات ڈاکٹر بابر اعوان بل ءِ ایوان اٹ پیش کرے۔ قومی اسمبلی دہشت گردی تور (ترمیمی)بل 2020ءانا ہم گیشتری سلاہ اٹ منظوری ءِ تس۔ دابل ءِ ہم ڈاکٹر بابر اعوان پیش کرے۔ اپوزیشن نا کنڈآن پیش کروک ترمیم آتے مسترد کننگا۔ دہشت گردی تور ایکٹ 1997ءدُن تو تینا تالانی ٹی جامع ءِ ولے اقوام متحدہ نا سلامتی کونسل نا قرارداد1267 و 1373نا اطلاق نا نسبت گڑاس پرمان تا کمتی ءِ۔ یو این ایس سی آر ءِ اقوام متحدہ نا منشور نا باب ہفتم نا آرٹیکل 41 نا رداٹ اختیار کننگا ہرا اقوام متحدہ نا غٹ باسک آتیکن دادےلازم کیک۔ یو این ایس سی آر1267 نا کمک اٹ اقوام متحدہ نا باسک ریاست آک میرات آتا منجمد کننگ(اہدافی مالیاتی پابندی)، سلہہ غاتا بند مننگ و ادارہ و بندغ آتیا سفری پابندی ہراپابندی تا مہشون تیٹی پندار کروک مریر، نا پابندی تا گام گیج آتا تعمیل ءِ کیک۔ یو این ایس سی آر1373باسک ریاست آتیان دا خواست کیک کہ دہشت گردی تور نا گام گیج آتا اطلاق کیر۔ خاص کر تینا ملکی کانود نا تابع دہشت گردی نا مالیات کاری ءِ تورر۔ مندرجہ بڑزکو وجوبءِ پاکستان اٹ دہشت گردی تور ایکٹ 1997ءانا کمک اٹ لاگو کننگانے۔ ہندا میرات آتا ضبطی نا پرمان نا برخلاف IIایکٹ اٹ مست آن تروک آ سزا کن مزاحمتی افس و جرمانہ نا تروک آ زرآک ہم بس افس۔ داکان بیدس قومی اسمبلی ٹی سوج ورندی نا وخت آ طاہرہ اورنگزیب نا سوج آ بنجائی وزیر معاصلات مراد سعید ایوان ءِ پارے سندھ اٹی سیہون شریف نا سڑک و ایلو شاہراہ تیا کاریم برجاءِ۔ ساڑی حکومت نا دور اٹی ہچ ءُ پوسکن ءُ ٹول پلازہ اس جوڑ متنے۔ غٹ ٹول پلازہ غاک مسلم لیگ (ن) نا دور اٹ جوڑ مسنو۔