بنجائی حکومت کراچی نا اُلس ءِ سخت انگا دے تیٹی تنیا الیپک‘عمران خان
Get real time updates directly on you device, subscribe now.
اسلام آباد ( آن لائن ) وزیر اعظم عمران خان پارینے کہ بنجائی حکومت کراچی نا اُلس ءِ دا سخت انگا حالیت اٹ تنیا الیپک، کراچی نا اُلس ءِ دوئی مروک آ ویل آتا ایسری کن ہر ممکن گام گیج کننگک۔ حوال نا رداٹ وزیر اعظم عمران خان تون گورنر سندھ عمران اسماعیل تدوک آ دے داڑے اوڑدہی کرے۔ بنجائی وزیرسائنس و ٹیکنالوجی فواد چوہدری ہم بشخ ہلک، اوڑدہی ٹی ملک انا سیاسی حالیت تون اوار کراچی نا ویل آک پِر آن پد نا حالیت و شونداری ڈٹ آتیا ہیت وگپ کننگا، گورنر سندھ وزیر اعظم ءِ کراچی ٹی مروک آ پِر تا سوب آن ودی مروک آ حالیت آتیان معلومدار کرے۔ وزیراعظم عمران خان کراچی ٹی نوکاپی حالیت آ اُست ہسونی نا درشانی ءِ کرسا پارے کہ بنجائی حکومت کراچی نا ویل آتے ایسر کننگ کن ہر آسراتی ایتک، وزیر اعظم گورنر سندھ ءِ پارت کرے کہ او ایم این ڈی ایم اے آن نالی تے ساف کرسا رپورٹ ءِ پیش کے، وزیراعظم عمران خان شاری تا جانی و مالی نسخان آ اُست ہسونی نا درشانی ءِ کرے۔ او وخت آ گورنر سندھ عمران اسماعیل پارینے کہ کراچی نا ویل آتا ایسری آئین نا آرٹیکل 140اے آن ممکن ءِ، ہندی حکومت آتا دوٹی اختیار مننگ اسکان کراچی نا ویل آک ایسر مفسہ۔