بلوچستان بورڈ میٹرک نا سالانہ امتحان 2020 ءنا نتیجہ غاتا پڑو
Get real time updates directly on you device, subscribe now.
کوئٹہ (اے پی پی) بلوچستان بورڈ آف انٹرمیڈیٹ اینڈ سیکنڈری ایجوکیشن کوئٹہ نا چیئرمین پروفیسر محمد یوسف بلوچ کووڈ۔ 19 دین انا سوب آن حکومت پاکستان نا لاک ڈاون نا رداٹ امتحان تا منسوخی آن پد میٹرک نا سالانہ امتحان 2020ءنا نتیجہ غاتا باضابطہ وڑاٹ پڑو ءِ کرے۔ پریس کانفرنس اٹ چیئرمین بورڈ پارے کہ امتحان اٹی کل طالب علم آتا کچ 128598 ئس ہرافتے ٹی نہم و دہم نا جتا جتا طالب علم آتا کچ ئس، نہم اٹ 58771طالب علم و دہم اٹ 69827طالب علم بشخ ہلکر وخت اس کہ جماعت نہم نا غٹ طالب علم آتے جماعت دہم اٹ ترقی تننگانے، بورڈ اولیکو پوزیشن ہلوک آ بی آرسی لورالائی نا شاکر خان ولد اسد خان 1040نمبر ہلسا اولیکو پوزیشن ءِ ہلک وخت اس کہ بی آرسی لورالائی نا سرمد شبیر ولد غلام شبیر وکامل خان ولد عبدالغفار 1032 نمبر ہلسا ارٹمیکو پوزیشن ءِ ہلکر۔ ہنداوڑ مسٹمیکو پوزیشن ءِ ہلوک آ بی آرسی لورالائی نا سید عبداللہ شاہ بخاری ولد سید عامر شاہ بخاری و کیڈٹ کالج قلعہ سیف اللہ نا محمد اسلم ولد اختر محمد 1030 نمبر ہلسا مسٹ می پوزیشن ءِ ہلکر۔ داہیت ءِ چیئرمین بلوچستان بورڈ آف انٹرمیڈیٹ اینڈ سیکنڈری ایجوکیشن پروفیسر محمد یوسف بلوچ، کنٹرولر شوکت علی سرپرہ سیکرٹری بورڈ چارشنبے نادے آ پریس کانفرنس اٹی پڑو کرسا پاریر کہ کورونا وائرس کوویڈ۔ 19 نا سوب آن مچ آ ملک اٹی امتحان آک منسوخ مسوسر و حکومت پاکستان نتیجہ غاتا مرتب کننگ کن اسہ وڑنا پالیسی اسے نا پڑو ءِ کرے۔