وزیراعلیٰ بلوچستان جام کمال ناکماشی ٹی فوڈ سکیورٹی و خولم ہلنگ نا باندات دیوان

0

Get real time updates directly on you device, subscribe now.

کوئٹہ (خ ن) وزیراعلیٰ بلوچستان جام کمال ناکماشی ٹی فوڈ سکیورٹی و خولم ہلنگ نا باندات اڈ ہلوک دیوان اٹ محکمہ خوراک ءِ نصیرآباد اٹ اینو آن باقاعدہ خولم ہلنگ نا پارت کننگانے‘ دیوان اٹ صوبائی وزریر نوبزادہ طارق خان مگسی، میر محمد خان لہڑی، صوبائی اسمبلی نا باسک میر سکندر عمرانی، چیف سیکرٹری فضیل اصغر، صوبائی سیکرٹری عمران گچکی اسک ہم ساڑی ئسر وخت اس کہ سیکرٹری خوراک نور محمد پرکانی خولم ہلنگ نا گام گیج آتا بابت بریفنگ تس‘ دیوان اٹ خولم ہلنگ نا کاریم اٹ ہُرے مننگ آ گڑتی درشان کننگا‘ دیوان ءِ محکمہ خوراک نا خولم ہلوک کمیٹی نا کنڈآن معلومدار کننگا کہ نیب انا کنڈآن خولم بہا کننگ کن بزغر آتے ڈغار نا فرد پیش کننگ نا شڑت خلنگانے‘ ہرانا سوب آن بلوچستان اٹ مشکل آک مون تروک ءُ۔ سیکرٹری خوراک پارے کہ نیب انا دا گام خولم نا ہلنگ نا عمل اٹ اڑاند اسے و فرد پیش کننگ ناشڑت ءِ چٹفنگ آن بیدس خولم ہلنگ مفک‘ دیوان اٹ محکمہ خوراک ءِ نیب اتون رابطہ کرسا خولم ہلنگ نا نوٹیفیکشن اٹ المی ترمیم نا پارت کننگا تاکہ فرد اتون اوار خسرہ و گرداوری نا دستاویز آتے ہم مالکی حق انا وڑ امنا کننگ مرے۔

Get real time updates directly on you device, subscribe now.

Leave A Reply

Your email address will not be published.