حکومت مزورکار تپہ ءِ ریلیف تننگ کن گام گیج کننگ ءِ، جام کمال خان

0

Get real time updates directly on you device, subscribe now.

کوئٹہ (خ ن) وزیراعلیٰ بلوچستان جام کمال خان پارینے کہ حکومت مزورکار آتے ریلیف تننگ کن گام گیج کننگ اُن، دا ہیت آتے او یکم مئی آخواری کش آتا جہانی دے انابابت تیناکلہو اٹ پارے۔ او پارے کہ دا دے 1886 نا شکاگو نا شہید آتا کوشست و جہدءِ خراج عقیدت پیش کننگ نا دے ءِ‘ دا دے ءِ اڈ تننگ نا مسخت مزورکار آتا حق آتیکن توار چست کننگ ءِ‘ مزورکار آک راج و ملک اسے نا جم زرگزرانی و اقتصادی شونداری ٹی اہم کڑد ادا کیرہ۔ ہرا ملک آک صنعت نا پڑ آ جوان شون ہلکنو اوفتا دا شونداری ٹی اوفتا مزورکار آتا تعمیر کڑد ءِ گوجالنگ مفک۔ ننے ہم ہنر مند ہیومن ریسورس و پبی افرادی واکداری شونداری نا کسر آ روان کیک ہرا مزورکار آک فنی چاہنداری سے آن معلومدار مریرہ او راج انا تعمیر وشونداری کن المی مریرہ۔ وزیراعلیٰ پارے کہ حکومت ءِ کورونا وائرس ناساڑی حالیت و لاک ڈا¶ن آن مزورکار آتے مون تروک زرگزرانی ویل آتیان نئے بیرہ سماءِ بلکہ اوفتے آسودہی رسیفنگ کن پبی وڑ اٹ گام گیج ہم کننگ اٹی ءِ ہراٹی مزورکار و خواری کش آتے راشن و ارغ فراوان کننگ‘ احساس پروگرام نا رد اٹ پیسہ وصوبائی حکومت نا رد اٹ چنکو کچ اسے ٹی بے سود آن وام تننگ نا پروگرام ہم اوار ءِ۔ اوپارے کہ ساڑی صوبائی حکومت نئے بیرہ مزورکار آتا حق آتے تننگ کن کوشست کننگ اٹی ءِ بلکہ خواری کش آتا استحصال کروک آتے کٹہرے ٹی سلفک و غٹ خواری کش آتیکن اسہ وڑ انا وارخواہی و گرج انا فراوانی ءِ پک کیک۔ رنگ و نسل ءِ بنداو جوڑ کرسا ہچ ءُ فرق اسے نا موکل تننگپک۔ اوپارے کہ حکومت ءِ تکنیکی تعلیم نا اہمیت نا ہم سماءِ‘ مچ آ صوبہ نا پولی ٹیکنیک ادارہ غاتے پوسکن آخواست آتون ہمگرنچ کننگ انگ ءِ‘ داڑے پوسکن آ دنیا نا خواست آتے مون آتخسا ورناتے بڑزکو فنی چاہنداری ترسا اوفتا لائخی تے پین گچین کننگک انتئے کہ دنیا ٹی تکنیکی چاہندار آتا خواست بھاز زیارت ءِ‘ وزیراعلیٰ پارے کہ صوبائی حکومت اسہ ہندن ءُ لیبر پالیسی سے آ باور کیک ہراٹی غٹ مزور کار و خواری کش آتا روا انگا حق آتارکھ پک منگن کے ہمو غٹ لیبر یونین ہرافک مزور کار آتا حق و جہد آباور کیرہ حکومت اوفتتون کمک ءِ برجا تخک‘ کورونا وائرس نا سوب آن ہرا مزورکار آک بے روزگار مسنو حکومت اوفتا مشکل آتے چٹفک تاکہ اسہ فعال‘ جوان و تعمیری ءُ راج اس ٹہیفنگ مرے‘ ہراڑے غٹ انسان تیکن اسہ وڑ زند انا گرج آک ساڑی مریر و راج اٹ تخریبی سوچ ودی مننگ کپ۔

Get real time updates directly on you device, subscribe now.

Leave A Reply

Your email address will not be published.