روچہ ٹی الس ءِ گڑا تا اڑزان فراوانی کن گام گیج کننگ اُن، شہک بلوچ

کوئٹہ : ڈپٹی کمشنر کوئٹہ شہک بلوچ پارینے کہ روچہ ٹی اُلس ءِ گڑا تا نہاد آتیا بلا تعطل فراوان کننگ کن ہرممکن گام گیج کننگ انگ ءِ۔ روچہ اڑزان بازار اُلس ءِ اڑزان گڑا تا فراوانی نا کمک ءِ۔ وخت اس کہ کن خور نا گڑا تا آب ءِ پین جوان کرسا اُلس ءِ ہر ممکن آسراتی فراوان کننگک تانکہ اوفتے ہچ ءُ وڑ اسے نا فریشانی تا مون ءِ کرسا کن خور نا گڑاتا دستیابی پورو مرے۔ دا خیال آتا درشانی ءِ او میزان چوک و جوائنٹ روڈ آ ضلعی انتظامیہ نا کنڈآن جوڑ کروک اڑزان روچہ بازار اٹ اُلس ءِ فراوان کروک آ آسراتی تا جاچ نا وخت آ کرے۔ او وخت آ اوڑتون اوار اسسٹنٹ کمشنر سٹی کوئٹہ عطاء المنیم ہم ساڑی ئس۔ او وخت آ ڈپٹی کمشنر کوئٹہ اڑزان بازار آتیٹی کل اسٹال آتا جوان جاچ ءِ ہلسا اوڑے ساڑی کل کن خور نا گڑاتا نہاد و آب انا بارواٹ معلومداری دوئی کرے۔ او پارینے کہ صوبائی حکومت نا پارت آتیا شار اٹ جتا جتا علاقہ غاتیٹی اُلس ءِ ریلیف فراوان کننگ کن اڑزان بازار آتا جوڑی ءِ اتنگانے۔ ہرافتے انتظام آتا نگرانی اسسٹنٹ کمشنر کننگ اٹی ءِ۔ وخت اس کہ وخت اس کہ دا انتظام آتے ہڑدے نا بنداو آ جاچ ءِ ہلنگ اٹی ءِ۔ او پارینے کہ اڑزان بازار اٹ سو، پال و سوزی و فروٹ و ایلو کن خور گڑاتا بارعایت نہاد اٹ ملنگ اٹی ءِ۔ ہراڑان اُلس ءِ جوان ریلیف ملک۔ ڈپٹی کمشنر مستی پارینے کہ اڑزان بازار اٹ کن خور نا گڑاتا فراوانی و دستیابی ءِ ہر حالیت اٹ ممکن کننگے۔

(خ ن)