ڈی سی خاران نا پارت آ بورہ نا اِرا کانود آن چَپ گودام سیل

خاران : ڈپٹی کمشنر خاران منیرآحمد موسیانی بورہ نا مصنوعی کاختی و اُلسی غاو تے مون آ تخسا کل غیر کانودی و ذخیرہ اندوزی کروک آ واپار آتا برخلاف زوت اس کارروائی کرسا گودام ءِ سیل کننگ نا پارت جاری کرے۔ دا بابت اٹ ڈپٹی کمشنر خاران نا خاص ءُ پارت آ اسسٹنٹ کمشنر خاران امتیاز محفوظ بلوچ غیر کانودی بورہ نا ارا گودام آتے سیل کرے۔ او وخت آ انجمن تاجران نا صدر شیخ منیر احمد، رسالدار ایس ایچ او ریاض احمد توقیر، ایس ایچ او پولیس گلبدین سمالانی، ایڈیشنل ایس ایچ سید سدھیر احمد شاہ، ہیڈ محرر اسداللہ یلانزئی و پی آر او ٹو ڈپٹی کمشنر خاران الیاس سرتاج مینگل ہم اوڑتون اوار ئس۔ حوال نا رداٹ ڈپٹی کمشنر خاران منیرآحمد موسیانی بورہ نا کاختی و اُلسی غاو تے مون آ تخسا کل غیر کانودی ذخیرہ اندوزی کروک آ واپار آتا برخلاف زوت اس کارروائی کرسا گودام ءِ سیل کننگ نا پارت جاری کرے۔ ہراکہ لس بندغ آتا دو آن پیشن ئس۔ ڈپٹی کمشنر خاران اُلسی غاو و میڈیا آ چلینگوک مصنوعی کاختی نا زوت اس ایکشن ہلسا اسسٹنٹ کمشنر خاران امتیاز محفوظ بلوچ استا ٹیم غیر کانودی بورہ نا گودام آ چھاپہ خلسا سیل کرے۔

(آن لائن)