عمران خان آ جلہو نا پورو فارنزک رپورٹ پبلک مس

لاہور:  مسکوہی وزیراعظم عمران خان آ وزیر آباد اٹی مروک خونی جلہو نا پورو فارنزک رپورٹ پبلک مسنے، فارنزک رپورٹ نا رداٹ جلہو اٹی کاریم اٹ اتنگوک سلہہ و سم تا رپورٹ 4 پنہ غا تالان ءِ۔ فارنزک رپورٹ نا رد اٹ عمران خان آ جلہو نا وخت آ 31 سم یا اوفتا کوکا دوئی مسنو، 3 سم انا ٹکر کنٹینر اٹ لگار، ہرا اسپیکر ءِ ہم گور لگار، 3 سم انا ٹکر کنٹینر نا گرل ءِ گور لگار، سم انا اسہ کوکا اس دکان اسے نا تہٹی ڈغار آن خننگا، 14 سم انا کوکا سڑک آن خننگار، وخت اس کہ دوبہ دار نوید نا اُرا نا خڑک آن ہم اسہ گراؤنڈ اسے آن 10 کوکا خننگانو۔ رپورٹ اٹی پاننگا کہ عمران خان ءِ 2 سم پین گڑا سے ٹی لگنگ آن پد لگار، اسہ پورو ءُ سم اس ہم عمران خان ءِ لگانے۔ عمران خان نا جون اٹ اسہ آہن نا ٹکر اس ہم لگانے، ہرادے کشنگانے۔ چار سُم ہندن ئسر ہرا نوید نا پستول آن خلنگاسر۔

(آن لائن)