ایم پی اے مولانا ہدایت نا الرحمان بلوچ انڈس ہسپتال گوادر نا دورہ

گوادر، صوبائی اسمبلی نا باسک مولانا ہدایت الرحمن بلوچ انڈس ہسپتال گوادر نا دورہ ءِ کرے، ہراڑے او ہسپتال نا جتاجتا وارڈ آتا جاچ ءِ ہلک و درمان مروک ناجوڑ و اوفتا خاہوت آتتون اوڑدہی کرسا جانپڑسی کرے۔ دادوخت آ او ناجوڑ آتے فراوان کروک طبی آسراتی و اوفتے مون تروک مشکل آتا بابت معلومداری دوئی کرے۔ مولانا ہدایت الرحمن بلوچ تنخواہ تفننگ آ برانز کروک ہسپتال نا سیکورٹی گارڈ آتتون ہم اوڑدہی کرے و اوفتا ویل آتے خف تورے۔ او دا رد اٹ ہسپتال نا ایچ او سی تون حوال کرسا تنخواہ تا جاری کننگ اٹ مروک اڑاند آتے مر کننگ و زہمی ملازم آتے اوفتا سلو تنخواہ تے تننگ نا باور کرفے۔