زالبول و چناتا زوال مننگ نا حوال است ہسونی نا سوب ءِ‘ظہور بلیدی

کوئٹہ / صوبائی وزیر ڈٹ بندی و شونداری بلوچستان میر ظہور احمد بلیدی بلیدہ ٹی اسہ اُرا اسے آ راکٹ جلہو اٹ زالبول و چناتتون اوار انسانی جان تا زیان نا حوال آتیا بھاز ڈکھ و ارمان نا درشانی ءِ کرینے‘ تینا ایکس کلہو اٹی میر ظہور احمد بلیدی پارے کہ انسانی جان، خاص وڑاٹ زالبول و چناتا زوال مننگ نا حوال آک بھاز است ہسونی ناسوب ءُ۔ او پارے کہ شاری آبادی نا رکھ، خاص وڑ اٹ زالبول و چناتا سلامتی ءِ امر کہ مرے اولیت تننگے۔ میر ظہور احمد بلیدی پارے کہ اُرا و چاردیوالی نا حرمت نا لتاڑنگ انسانی اقدار آن چَپ مننگ تون اوار بلوچ روایت و راجی اصول آتیان ہم چپ ءِ‘ او پارے کہ دا وڑ انا واقعہ تا پورو جاست پاست کننگے۔