اجتماعی حکمت عملی ءِ عملی گام گیج آتیٹی بدل کننگ ورکشاپ نا حقی سرسہبی ءِ‘جعفرخان مندوخیل
Get real time updates directly on you device, subscribe now.
کوئٹہ/ گورنر بلوچستان جعفرخان مندوخیل 21می نیشنل ورکشاپ بلوچستان آن تران کرسا پارینے کہ دا ورکشاپ اٹی نم چاہندار آتا علم، آزموندہ غاتیان جوان فائدہ ہرفورے و تین پہ تینی گپ وتران و سلاہ نا کمک اٹ بلوچستان و پاکستان ءِ مون تروک اہم انگا چیلنج آتیان جوان معلومداری دوئی کرورے ہنداسوب آن داسہ دا اجتماعی دانش ءِ عملی گام گیج آتیٹی بدل کننگ دا ورکشاپ نا حقی سرسہبی مریک۔ ای 21 می نیشنل ورکشاپ بلوچستان نا منتظمی و کل شرفدار شریدار آتے مبارکبادی پیش کیوہ واومیت کیوہ کہ دا ورکشاپ نا فکری شرہ و کورس بلوچستان و پاکستان نا مدامگی شون اکن عملی راہشونی فراوان کیرے‘دا وخت آ بریگیڈیئر خاقان سرور ہم ساڑی ئس۔ نیشنل ورکشاپ نا اخیر اٹ دود انا شریدار آتیان تران کرسا گورنر بلوچستان جعفرخان مندوخیل پارے کہ اینو ہرا وخت نم دا ورکشاپ آن پدی ہنارہ تو نما زمواریک چٹتنو بلکہ پین ودانو۔