ڈی آئی خان‘ سیکورٹی فورس آتا انٹیلی جنس بیسڈ کارروائی، 4 دہشتگرد خلنگار
Get real time updates directly on you device, subscribe now.
ڈیرہ اسماعیل خان، خیبرپختونخوا نا ضلع ڈیرہ اسماعیل خان اٹی سیکورٹی فورس آک انٹیلی جنس معلومداری نا بنداو آ کارروائی کرسا فتنہ الخوارج تون تعلقدار 4 دہشت گرد ءِ خلکر۔ سیکورٹی حوالی نا رد اٹ فورس آک دہشتگرد آتا سربر نا انٹیلی جنس بنداو تیا چاروکی ءِ کریر و سرسہب کارروائی کرسا اوفتے شست کریر۔ حوالی نا رد اٹ کارروائی ٹی خلنگوک دہشت گرد آتیان بھلو کچ اسے ٹی سلہہ و منچر تون اوار اوغانی کرنسی ہم دوئی مس۔ سیکورٹی حوالی نا رد اٹ خیبرپختونخوا ٹی دہشت گرد آتا برخلاف انٹیلی جنس بنداو آ کارروائیک برجا ءُ، وخت اس کہ سیکورٹی فورس آک ملک آن دہشت گردی نا پورو چٹفنگ و مدامگی امن کن سنرینگوک ءُ۔