ورناتیکن تعلیم، کسبکاری نا مونی دننگ، کاروباری سرجز نا کسر ملنگ اہم ءِ ،فیلڈ مارشل سید عاصم منیر

راولپنڈی، چیف آف آرمی اسٹاف و چیف آف ڈیفنس فورسز فیلڈ مارشل سید عاصم منیر ورناتیکن تعلیم، کسبکاری نا مونی دننگ، کاروباری سرجزو راستکی آ تالان جاچکاری لائخی تے کاریم اٹ اتنگ نا اہمیت آ زور شاغانے۔ جُمعہ نا دے آپاک فوج انا شعبہ تعلقاتِ عامہ (آئی ایس پی آر) نا کنڈآن جاری بیان نا رداٹ چیف آف آرمی اسٹاف و چیف آف ڈیفنس فورسز فیلڈ مارشل سید عاصم منیر پاکستان نا دورہ غا بروک ہارورڈ بزنس اسکول نا چندی ملک آتیان تعلقدار طالب علم آتا ڈل اتون اوڑدہی کرے و اوفتتون گپ و تران کرے۔ اوڑدہی نا وخت آ علاقائی و جہانی حالیت، پاکستان نا سیکورٹی وڑ وڈول و ڈیہہ اتون اوار مچ آ دنیا ٹی امن، سوگوی و شونہالی نا مونی دننگ کن کروک آ کوشست آتیا گپ وتران کننگا۔ چیف آف آرمی اسٹاف و چیف آف ڈیفنس فورسز ورناتیکن تعلیم، کسبکاری نا مونی دننگ، کاروباری سرجزو راستکی آ تالان جاچکاری لائخی تے کاریم اٹ اتنگ نا اہمیت آ زور شاغا تانکہ ودوک آ بے باور و پرآشوب جہانی چاگڑد اٹ بامعنی کڑد ادا کننگ کیر ہراڑے سوشل میڈیا و پروپیگنڈا ہم زہمی کننگ اٹی ءِ۔ ہارورڈ بزنس اسکول نا طالب علم آک پاکستان نا برجادورہ غا تیٹی تینا گچین آزموندہ غاتا درشانی ءِ کریر۔ او خاص وڑ اٹ پاکستانی الس نا است انا بھلنی و جم وجوش انا ستاءِ کریر و پاکستان اٹ ساڑی بے کچ لائخی و وارخواہی تاہم ستاءِ کریر۔