پنجگور، جنوزان، چوری و ایلو بندغ آتے ٹوکن تننگ کن دود

پنجگور اٹی جنوزان‘ چوری و نیم جان بندغ آتے ٹوکن تننگ نا بابت اسہ دود اس اڈ تننگا۔ ہراٹی مچ آ ضلع غان سد آ جنوزان، چوری و نیم جان بندغ آک بشخ ہلکر و اوفتیٹی ویٹنگ لسٹ نا ٹوکن بشخ وپانٹ کننگا۔دود انا خاص انگا مہمان کمانڈنٹ پنجگور رائفلز میجر جنرل ظفر اقبال ئس، وخت اس کہ ایلو مہمان تے ٹی کمانڈنٹ پنجگور رائفلز بریگیڈیئر نادر محی الدین، ڈپٹی کمانڈنٹ کرنل معراج، ڈپٹی کمشنر پنجگور جہانزیب بلوچ، نیشنل پارٹی نا ضلعی صدر حاجی ایوب دہواری، انجمن تاجران نا لعل دوست شعیب، سردار سعود ساسولی، ڈگری کالج و انٹر کالج آتا پرنسپل و ایلو سیاسی و راجی شخصیت آک بھلو کچ اسے ٹی بشخ ہلکر۔کمانڈنٹ پنجگور رائفلز میجر جنرل ظفر اقبال دود آن تران کرسا پارے کہ کنے بھاز خوشی مننگ اٹی ءِ کہ حقدار جنوزان، چوری و نیم جان بندغ آتے ٹی ٹوکن بشخ وپانٹ کننگ انگ ءِ و حقدار شاری تسکان اوفتا اصل حق ءِ شفاف وڑ اٹ رسیفنگ اٹی اُن۔ پنجگور (نامہ نگار)