ویکسی نیشن کپروک استاد آک اسکول آتیٹی خوانفنگ کپسہ

اسلام آباد : بنجائی وزیر ڈٹ بندی شونداری واصلاحات وخصوصی گام گیج و نیشنل کمانڈ اینڈ آپریشن سینٹر نا سروک اسدعمر پارینے کہ ہرا استاد آک ویکسی نیٹڈ افس او یکم اگست آن اسکول آتے ٹی خوانفنگ کپسہ، 31اگست آن پد ویکسی نیٹڈ عملہ غان بیدس ٹرانسپورٹ چلینگ کپک۔ داخیال آتا درشانی ءِ بنجائی وزیر و سروک این سی او سی اسد عمر ڈاکٹر فیصل سلطان تون اوار پنچ شنبے نادے آ میڈیا تون گپ وتران کرسا کرے۔ اوپارے کہ کیہی بندغ آک داسہ ہم کوروناءِ سنجیدہ ہلپننگ ءُ، سندھ حکومت کورونانا تالانی ءِ توننگ کن ہر وڑ اٹ کوشست کننگ ءِ، خوانہ کہ کس اسے نا روزگار زہمی مف، ملکی زرگزران چلینگسا کے، ملک ءِ بند کرسا دین انا مقابلہ ءِ کننگ کپنہ، کورونا غان بچنگ نا اسٹ انگا ایسر بیرہ خیالداری ءِ۔ اسدعمر پارے کہ سندھ و بلوچستان اٹی ایس اوپی تیا زیات عمل مفننگ ءِ، یکم اگست آن بیرہ ویکسی نیٹڈ مخلوق ہوائی جہاز آ سفرکننگ کیرہ، ہرااستادآک ویکسی نیٹڈ افس اویکم اگست آن اسکول آتے ٹی خوانفنگ کپسہ، 31اگست آن پد ویکسی نیٹڈ عملہ غان بیدس ٹرانسپورٹ چلینگ کپک، اسکول، ٹرانسپورٹ عملہ، کانود نافذ کروک آ ادارہ، مارکیٹ آتے ٹی کاریم کروک آتے کن ویکسی نیشن ءِ المی گوندنگانے، ہوٹل، ریسٹورنٹ آتے ٹی کاریم کروک آتے کن ویکسی نیشن نا آخیریکو تاریخ 31اگست ءِ۔ اوپارے کہ کورونا غان بچنگ نا اسٹ انگا ایسر بیرہ خیالداری ءِ،سندھ و بلوچستان اٹی ایس اوپی تیا زیات عمل مفننگ ءِ، یکم اگست آن سنگل ڈوز خلفوک آک ہوائی سفر کننگ کیرہ۔ دکان مست خصوصی کمکار ڈاکٹر فیصل سلطان نا پاننگ ئس کہ تدوک آ 24گھنٹہ ٹی کورونا نا کچ اٹی ودکی مس، 24گھنٹہ ٹی نازرک ناجوڑآتاکچ 3ہزار آن گدرینگا، کراچی ٹی دین انا تالانی ٹی ودکی مون آ بننگ ءِ، کیس آتے ٹی ودکی آن ہسپتال آتیاہم زور ودانے۔

(اے پی پی)