بلوچستان آپریشن /سیکورٹی فورس آتا کارروائی چار دے اٹی 71 آن زیات دہشت گرد خلنگار
Get real time updates directly on you device, subscribe now.
راولپنڈی / بلوچستان اٹی بھارتی کاٹم خواجہی و اوغان ڈغار تون تعلقدار دہشتگرد آتا برخلاف سیکورٹی فورس آتا کارروائیک برجا ءُ، ہرافتیٹی تدوک آ 4 دے اٹ 71 آن زیات دہشتگرد خلنگارنو۔ پاک فوج انا ترجمان آئی ایس پی آر نا رِد اٹ کوئٹہ نا علاقہ شعبان، زیارت و ایب کیب اٹی پک حوال تا بنداو آ آپریشن شعبان نا بنا کننگا۔ کارروائی ٹی دہشتگرد آتا کیہی ہند آتے شست کننگا و ہڑتوم آ کنڈآن بھاز سم کاری اٹ 33 دہشتگرد خلنگار‘ وخت اس کہ بھلو کچ اسے ٹی سلہہ، منچر و پین گڑا دوئی کننگا۔ آئی ایس پی آر نا رِد اٹ تدوک آ 72 گھنٹہ ٹی آپریشن ءِ پین ترند کننگا، ہرانا سوب آن پین 23 دہشتگرد خلنگار۔ سیکورٹی فورس آک علاقہ ءِ کلیئر کرسا ہندی آبادی ءِ دہشت گردی نا خطرہ غان بچفیر۔ ترجمان نا رِد اٹ 25 ستمبر آ ضلع نوشکے ٹی اسہ پین انٹیلی جنس بیسڈ آپریشن اسے ناوخت آ دہشت گرد آتا ہند ءِ شست کننگا، ہراٹی 11 دہشتگرد خلنگار‘ مند انا علاقہ ٹی ہم کارروائی ٹی پین 6 دہشتگرد خلنگار و بھلو کچ اسے ٹی سلہہ و منچر دوئی مس۔ آئی ایس پی آر پارینے کہ شعبان و ایلو علاقہ غاتیٹی کلیئرنس آپریشن دہشتگرد آتا پورو چٹفنگ اسکان برجا سلک۔ عزم استحکام نا وژن نا رد اٹ ملک آن دہشت گردی نا چٹفنگ کن کارروائی تے پورو ارادگی اٹ برجا تخنگ نا پڑو کننگانے۔