دہشت گردی نا برخلاف جنگ اٹی سیکورٹی فورس آتا قربانیک قوم اکن گمر نا سوب ءُ، میر سرفراز بگٹی

وزیراعلیٰ بلوچستان میر سرفراز بگٹی ضلع کوئٹہ نا علاقہ شعبان تون اوار نوشکے و مند اٹی سیکورٹی فورس آتا سرسہب کارروائی تا ستاءِ کرسا پارینے کہ دہشت گردی نا برخلاف جنگ اٹی سیکورٹی فورس آتا قربانیک قوم اکن گمر نا سوب ءُ۔ وزیراعلیٰ میر سرفراز بگٹی پارے کہ آپریشن شعبان اٹ سیکورٹی فورس آک دہشت گرد آتا کیہی ہند آتے بھرمی وڑ اٹ کلیئر کریر،خت اس کہ کارروائی ٹی داسکان 33 دہشت گرد خلنگانو‘ تدوک آ 72 گھنٹہ ٹی پین 23 دہشت گرد خلنگا۔ او پارے کہ ضلع نوشکے ٹی انٹیلی جنس بنداو آ کروک کارروائی ٹی 11 دہشت گرد خلنگار وخت اس کہ مند اٹی فتنۃ الہندوستان نا 6 دہشت گرد خلنگانو۔