خواست آک امنا متوس تو ملتان آن سپر لانگ مارچ بنا کینہ، حافظ نعیم الرحمن

امیر جماعت اسلامی پاکستان حافظ نعیم الرحمن پارینے کہ پیٹرولیم لیوی، کبین بجلی، آئی پی پی تا معاہدہ و کبینی نا برخلاف جماعت اسلامی نا برانزی تحریک برجا ءِ‘ نن برانزی تحریک ءِ چٹفتنن بلکہ پد بٹین‘ اگہ حکومت الس نا خواست آتے امنا کتو تو ملتان آن سپر لانگ مارچ انا بنا کننگک۔ کراچی تون اوار مچ آ پاکستان اٹی برانزی کیمپ اڈتننگانے و کروڑ آ محضر نامہ غاتیا الس نا سلاہ اٹ اسلام آباد نا کنڈ آ مارچ کننگک۔ جماعت اسلامی نا ہچ ءُ جندی ایجنڈا اس اف، ننا جہد بیرہ الس نا حق آتیکن ءِ۔