پاکستان گلوبل ڈویلپمنٹ انیشی ایٹو نا پورو مخ تفی ءِ کیک، وزیراعظم

نیویارک، وزیراعظم محمد شہباز شریف پارینے کہ پاکستان چینی صدر شی جن پنگ نا دور اندیش گام گلوبل ڈویلپمنٹ انیشی ایٹو (جی ڈی آئی) نا پکا مخ تف ءِ و اونا پورو مخ تفی نا توثیق ءِ کیک۔ جی ڈی آئی 2030 اسکان پورو مروئی ءِ، اونا ہدف آتے دوئی کننگ کن داسہ ہم بھلو چیلنج آک مون تروک ءُ، ترند موسمیاتی آفت،خورو ایندھن نا ودوک آ نہاد و جغرافیائی سیاسی بے چیٹی ٹی ودکی پدتموک ملک آتا سرسہبی تے ولدا خطرہ ٹی شاغانے، دا چیلنج آتا مقابلہ ءِ کننگ کن سوگو کثیر الجہتی کمکاری نا گرج ءِ۔ ہفتہ نادے آ چین نا نائب صدر ہان ژینگ نا کماشی ٹی جہانی شونداری گام آ بڑزکو کہول انا دیوان آن تران کرسا وزیراعظم پارے کہ کووڈ 19 نا دین انا ترندی نا وخت آ 5 سال مست صدر شی جن پنگ جہانی شونداری گام (گلوبل ڈویلپمنٹ انیشی ایٹو) پیش کریسس، دا اسہ ہندن ءُ دور اندیش گام اس ئس ہرا تینا وخت آن بھاز مون آئس، اینو دنیا صدر شی جن پنگ نا دا فیصلہ نا پژدراٹی کارفرمادانائی و بصیرت ءِ امنا کیک۔ او پارے کہ 2030 نا دا گام نا مقررہ مد پورو مننگ اٹی داسہ 4 سال رہینگانے وخت اس کہ پائیدار شونداری نا ہدف آتا دوئی کننگ نا کنڈآ پیش رفت داسہ ہم گنج اس اف و سست ءِ، پائیدار شونداری نا ہدف آتے کن مالی وسیلہ غاتا ودوک آ کمتی، وار وار بروک و مست آن زیات سخت موسمیاتی آفت، خور و ایندھن نا ودوک آ نہاد و جغرافیائی سیاسی بے چیٹی ٹی ودکی پدتموک ملک آتا کیہی دہائی تا سرسہبی تے اسہ وار ولدا خطرہ ٹی شاغانے، دا چیلنج آتا مقابلہ ءِ کننگ کن سوگو کثیر الجہتی کمکاری نا گرج ءِ۔ او پارے کہ عوامی جمہوریہ چین و اونا جہانی شونداری گام دا بابت وخت آ پیش رفت کرے۔ جہانی شونداری گام نا فریم ورک مہالو آن پدتموک دنیا ٹی پبی و عملی فائدہ غاتیٹی بدل مسنے، دا گام غٹ اکن فائدہ نا حقی روح نا رداٹ فائدہ تسنے۔ وزیراعظم پارے کہ پاکستان جی ڈی آئی نا پورو مخ تفی نا توثیق ءِ کیک انتئے کہ دا یکجہتی کرہ ارض نا سویلی ملک آتا کمکاری و پدتموک ملک آتیکن پبی نتیجہ غاتا فراوانی نا اسہ اہم پلیٹ فارم اسے، جی ڈی آئی نا ہدف آک ننا قومی اقتصادی بدلی نا ڈٹ انا ہم پوروی ءِ کیرہ۔ وزیراعظم پارے کہ چین تون ننا کمکاری بیلٹ اینڈ روڈ گام انا کمک اٹ برجاءِ، اونا فلیگ شپ ڈٹ چین پاکستان اقتصادی راہداری نا کمک اٹ ہم برجاءِ۔ وزیراعظم پارے کہ سی پیک داسہ تینا ارٹ میکو ریسہ ٹی پترینگ انگ ءِ، ہندن ہندن نن 2030 نا کنڈآ ہننگ اُن پاکستان جی ڈی آئی نا غٹ شریدار آتون کمکاری ءِ پین زیات ودفنگ کن تیار ءِ، سرسہب ڈٹ آتا بھلو کچ اسے آنقل کرسا و کمکاری نا پوسکن و جدت آ تالان بشخ آتا پیدواری ءِ کرسا کمکاری ودفنگ ءِ۔ وزیراعظم پارے کہ جہانی شونداری گام 2030 نا ایجنڈا آ پیش گامی ءِ ترند کننگ ہم المی ءِ، اوڑتون اوار اوار جہانی حکمرانی گام، جہانی حکمرانی کن اسہ زیات نمائندہ پنجر اسے نا خواہندار ءِ، ہندن ءُ پنجر ہرا پدتموک ملک آتا اولیت آتا رداٹ مرے۔ او پارے کہ سیکرٹری جنرل نا یو این 80 گام ءِ اقوام متحدہ نا شونداری تمبہ ءِ سوگو کننگ المی ءِ، دا گام ءِ عملی تنیجہ فراوان کننگ نا اونا لائخی ءِ ہم گچین کننگے۔ وزیراعظم پارے کہ پاکستان دا غٹ بے کچ اہم گام گیج آتا پکا مخ تف ءِ و مریک۔ وزیراعظم پارے کہ نن تینا سوگو انگا سنگت چین و گروپ آف فرینڈز نا سنگتی باسک آتون اوار اوار پدریسہ خڑکی کمکاری نا چاری اُن تانکہ نن اواری اٹ اسہ ہندن ءُ راج اس جوڑ کین ہرا انسانیت نا اسیجائی آخبت نا تصورءِ مون آ دے۔