ننا سیاست نا بنجا الس نا شونداری وشونہالی ءِ‘ حاجی علی مدد جتک
Get real time updates directly on you device, subscribe now.
پاکستان پیپلز پارٹی نا بنجائی راہشون و صوبائی وزیر حاجی علی مدد جتک پارینے کہ ننا سیاست نا بنجا الس نا شونداری‘ شونہالی و اوفتا زند اٹ جوانی اتنگ ءِ‘ پیپلز پارٹی ہرا وخت ہم اقتدار اٹ بسنے، بلوچستان اٹی شونداری ناپوسکن ءُ کسر ملنگانے۔ دا خیال آتا درشانی ءِ او دے ٹکی بائی پاس سبی شاہراہ نا جوڑ کننگ و بھلن کننگ نا ڈٹ انا بنائی دود آن تران کرسا کرے۔ دود اٹ کمانڈر ملا عبیداللہ بڑیچ، حاجی محمد گل شاہوانی، ٹکری حمید بنگلزئی، حاجی نور محمد رخشانی، انور مینگل، ڈاکٹر راشد قریشی تون اوار ایلو شخصیت آک ہم ساڑی ئسر۔ حاجی علی مدد جتک پارے کہ حلقہ نا الس ہرا پت انا درشانی ءِ کرسا ننے السی مینڈیٹ تسنے نن اونا شرف ءِ کینہ۔