نیب کیس آتا سوب آن اپوزیشن حکومت ءِ بلیک میل کننگ خواہک، شبلی فراز 

0

Get real time updates directly on you device, subscribe now.

اسلام آ باد(آن لائن) بنجائی وزیر حوالکاری سینیٹر شبلی فراز پارینے کہ نیب کیس آتا سوب آن ڈغار کٹنگ آن اپوزیشن حکومت ءِ بلیک میل کننگ خواہک، اپوزیشن باسک آک استیفہ ایترہ تو پُوسکن گچین کاری کرفنہ، پی ٹی آئی ولدا اکثریت دوئی کیک، نوازشریف نا مروک آ بیانہ آن تینٹ اونا جماعت اضطراب نا گواچی ءِ، نوازشریف نا بیانیہ غا ن لیگ نا تہہ آن جتا جتا توار چست مننگ اٹی ءِ، ن لیگ ہرا تحریک ءِ چلیفنگ خواہک او بے بنداو ءِ، نوازشریف نا مسخت ملک اٹ بے پامی و اضطراب نا کاختی ودی کننگ ءِ۔ تدوک آ دے میڈیا تون ہیت وگپ کرسا سینیٹر شبلی فراز پارینے کہ جاتی عمرہ ٹی دا وخت آ تذبذب و اضطراب نا بھیم تالان ءِ۔ نیب کیس آتا سوب آن ڈغار کٹنگ آن اپوزیشن حکومت ءِ بلیک میل کننگ خواہک۔ اسمبلی تیان استیفہ نا دھمکیک ہم دا بابت نا ہیت ءِ۔ فیٹف کانود سازی ٹی بے سہبی آن پد داسہ دافک سڑک آتیا بننگ خوارہ۔

Get real time updates directly on you device, subscribe now.

Leave A Reply

Your email address will not be published.