وڈی تور ادارہ نا کارکڑد ءِ ودفنگ کن گام گیج کننگے، جام کمال خان

0

Get real time updates directly on you device, subscribe now.

کوئٹہ( آن لائن )وزیراعلیٰ بلوچستان جام کمال خان نا کماشی ٹی اڈ ہلوک بڑزکو کہولی دیوان اٹ وڈی تور ادارہ بلوچستان نا کارکردگی و توننگ اٹ ودکی نا بابت ویل آتا جاچ ءِ ہلسا دا بابت اٹ سیکرٹری ایس اینڈ جی ڈی و ڈائریکٹر جنرل اینٹی کرپشن اسٹیبلشمنٹ بلوچستان نا کنڈآن پیش کننگا بھاز آ سفارش آتا منظوری ءِ تننگا، وزیراعلیٰ نا کنڈآن سیکرٹری ایس اینڈ جی اے ڈی نا سفارش آتے سمری نا وڑ اٹ راہی کرفنگ نا پارت کننگا، وزیراعلی نا پرنسپل سیکریٹری زاہد سلیم، سیکریٹی حوالکاری شاہ عرفان غرشین و ڈائریکٹر اینٹی کرپشن ایاز بلوچ ہم دیوان اٹ ساڑی ئس، سیکرٹری ایس اینڈ جی اے ڈی دیوان ءِ ادارہ نا ضوابط کار، دائرہ کار و استعداد کار آن بیدس اینٹی کرپشن ایکٹ نا دفعہ غاک و لیگل فریم ورک نا بابت بریفنگ ہم تس، دیوان اٹ وڈی تور ادارہ نا کارکڑد و ادارہ نا وڈی خوری ءِ توننگ اٹ ودکی کرسا اودے اسہ تینا نت تے آ سلوک ءُ و بااختیار ءُ ادارہ سے ٹی شاغنگ نا گرج اتون امنائی کننگا، ہراڑکن صوبائی انسداد بدعنوانی ایکٹ 2010 ٹی المی ترمیم کننگ نا فیصلہ کننگا، دیوان اٹ ادارہ ٹی ٹیکنیکل انسپکشن ٹیم نا جوڑ کننگ آ امنائی کرسا ڈائریکٹر جنرل وڈی تور ءِ دا بابت محکمہ مواصلات و ایلو تکنیکی محکمہ غاتا کمک اٹ سفارش نا تیاری نا پارت کننگا ہرادے صوبائی کابینہ نا دیوان اٹ پیش کننگک، دیوان اٹ ادارہ نا انتظامی پنجر اٹی مجوزہ بدلی تے کن سفارشا نا تیاری نا فیصلہ کننگا۔ دیوان اٹ دا ویل اتون امنائی کننگا کہ وڈی خوری نا توننگ کن صوبائی کہول آ جوڑ مروک آ ادارہ غاتے ٹی بریبری و اوفتا حد آتے پہہ مننگ المی ءِ، ہراڑکن ادارہ نا ڈائریکٹر جنرل ءِ محکمہ کانود نا سلاہ تیان سفارش نا پارت کننگا، دیوان اٹ کمشنر و ڈپٹی کمشنر تے ڈویژن و ضلع نا کہول آتیا انسداد بدعنوانی نا ویل آتا جاچ انا کمیٹی نا تُوئی آ دیوان ءِ اڈ تننگ و رپورٹ پیش کننگ نا پارت کننگا.

Get real time updates directly on you device, subscribe now.

Leave A Reply

Your email address will not be published.