مرک آتیٹی کمتی بسے، داسہ ہم ڈیوالئی نا گنجائشت اف، ڈاکٹر ظفرمرزا
اسلام آباد (اے پی پی) وزیراعظم نا خصوصی کمکار قومی جان جوڑی ڈاکٹر ظفرمرزا پارینے کہ الحمداللہ اینو پاکستان اٹ تدوک آ مسہ تُو اٹی کوویڈ۔ 19 آن غٹ آن کم مرک ریکارڈ مسنے۔ دوشنبے نادے آ تینا ٹویٹ اٹی اوپارے کہ 20 جون آ مروک آ 153 مرک انا مون اٹی تدوک آ 24 گھنٹہ ٹی 20 مرک رپورٹ مس، دن پا کوروناوائرس آن مرک آتیٹی 87 درسد کمتی بسنے۔ اوپارے کہ داسہ ہم ہچ ءُ ڈیوالئی اسے نا گنجائشت اف۔ داکان بیدس نیشنل کمانڈ اینڈ آپریشن سینٹر (این سی اوسی) نا خصوصی دیوان بنجائی وزیر ڈٹ بندی، شونداری، اصلاحات وخصوصی گام گیج اسد عمر نا کماشی ٹی پشاور اٹی مس، ہرانا مہمانداری ءِ وزیراعلیٰ خیبرپختونخوا کرے، دیوان اٹی این سی او سی نا نیشنل کوارڈنیٹر لیفٹیننٹ جنرل زمان خان و ایلو باسک آک بشخ ہلکر۔