سویلی پنجاب سیکرٹریٹ السی ویل آتا ایسری ٹی کمکار مریک،اسد قیصر

اسلام آباد (اے پی پی) اسپیکر قومی اسمبلی اسد قیصر پارینے کہ کشت وکشار نا بشخ ملکی زرگزران اٹ تمبہ نا حیثیت تخک، دا بشخ انا شونداری کن حکومتی سرپرستی المی ءِ، سویلی پنجاب سیکرٹریٹ نا جوڑ کننگ ستاکڑزک۔ داخیال آتا درشانی ءِ او گورنر پنجاب چوہدری محمد سرور تون گپ وتران کرسا کرے ہرادوشنبے نادے آ اوڑتون اوڑدہی کرے۔ اوڑدہی ٹی ملک انا جم سیاسی و زرگزرانی حالیت و تین پہ تینی است خواہی نا ایلو باندات آتیا گپ وتران کریر۔ گورنر پنجاب اسپیکر ءِ صوبہ ٹی برجا شونداری کاریم تا سرجم تیان معلومدار کرے۔ اوڑدہی ٹی اسپیکر قومی اسمبلی پارے کہ صوبہ ٹی ساڑی حکومت نا کنڈآن السی راجی آسراتی کن برجاکروک آ گام گیج آک ستاکڑزرہ۔ اوپارے کہ کشت و کشار نا بشخ ملکی زرگزران اٹ تمبہ نا حیثیت تخک۔ دا بشخ انا شونداری کن حکومتی سرپرستی المی ءِ۔ اوپارے کہ کشت وکشار نا بشخ ءِ مون تروک ویل آتا توننگ کن ملکی تاریخ اٹ اولیکو وار خصوصی کمیٹی اس جوڑ کننگا۔ کمیٹی غٹ اسٹیک ہولڈر آتا سلابت اٹ ملک اٹی کشت وکشار نا شونداری کن تینا سلاہ و سوج آتے مرتب کننگ ءِ۔ اسپیکر قومی اسمبلی پارے کہ صوبہ و بنجاٹی ہم آہنگی ملکی شونداری و السی راجی آسراتی کن المی ءِ۔ سویلی پنجاب سیکرٹریٹ نا جوڑ کننگ ستاکڑزک۔ سویلی پنجاب سیکرٹریٹ نا جوڑ کننگ آن السی ویل آک ایسر مریرہ و شونداری سرجزآتیٹی ترندی بریک۔ اوڑدہی ٹی گورنر پنجاب چوہدری محمد سرور ایوان نا ماحول ءِ پرامن و خوشگوار تخنگ کن اسپیکر قومی اسمبلی نا کڑد انا ستاءِ کرسا پارے کہ ساڑی صوبائی حکومت السی اہمیت نا حامل ڈٹ خاص کر کشت وکشار نا بشخ اکن شونداری کن اولیتی بنداو تیا گام گیج کننگ ءِ۔ اوپارے کہ صوبہ ٹی ملخ آتا چٹفنگ کن گام گیج کننگ انگ ءِ۔