گچین خارجہ پالیسی نا سوب آن کشمیر نا ویل جہانی فورم آ تیا سر کننگا، نور محمد دمڑ
Get real time updates directly on you device, subscribe now.
کوئٹہ (اے پی پی) صوبائی وزیر پبلک ہیلتھ انجینئرنگ/واسا حاجی نور محمد دمڑ پارینے کہ وزیراعظم عمران خان و دفترخارجہ نا گچین خارجہ پالیسی تا سوب کشمیر نا ویل آ پاکستان نا موقف نا ہرجہانی فورم آ زبردست است بڈی ءِ کننگانے، نریندر مودی نا ظلم و بیداد و کرفیو آن پد ہم کشمیری تا جہد آجوئی تحریک اٹ ترندی بسنے، برہان وانی نا شہیدی آن مقبوضہ کشمیر اٹ بھارت نا برخلاف پوسکن آ جہد بناکرینے بھارت کشمیر اٹ شکست نا بیر ءِ ہلنگ کن بلوچستان اٹ نیام تمنگ ءِ، بھلاعئید آن پد 5 اگست آ وزیراعظم عمران خان و بلوچستان عوامی پارٹی نا سروک جام کمال خان نا پارت آ کوئٹہ تون اوار مچ آ صوبہ ٹی مقبوضہ کشمیر نا الس تون یکجہتی نا درشانی کن پبی وڑاٹ اڈتننگک۔ داخیال آتا درشانی ءِ او دوشنبے نادے آ ایسوسی ایٹڈ پریس آف پاکستان تون خصوصی گپ وتران کرسا کرے.