اقوام متحدہ نا پاکستان اٹ 70 ہزار اوغان باہوٹ خاہوت کن مالی کمک
Get real time updates directly on you device, subscribe now.
اسلام آباد (اے پی پی) اقوام متحدہ نا ہائی کمیشن باہوٹ(یواین ایچ سی آر) پاکستان اٹ کوویڈ۔ 19 نا سوب لاک ڈاون آن زہمی حقدار اوغان باہوٹ آتیٹی احساس ایمرجنسی کیش پروگرام ننا وڑا مالی امداد نا پروگرام ڈونر ملک آتا کمک اٹ برجاتخانے۔ ادارہ مچ آ ملک اٹی 70 ہزار حقدار اوغان باہوٹ خاہوت آتیٹی نغد مالی کمک بشخک۔ دوشنبے نادے آ یو این ایچ سی آر نا ترجمان قیصر خان اے پی پی تون گپ وتران کرسا پارے کہ یو این ایچ سی آر مچ آ ملک اٹی رہینگوک آ رجسٹرڈ اوغان باہوٹ آتیٹی کوویڈ۔ 19 نا لاک ڈاون اٹ زہمی مروک آ نیامی تپہ نا خاہوت آتیٹی نغد مالی کمک پاکستان پوسٹ انا کمک اٹ بشخنگ ءِ دا چرجوئی ٹی ہر چار آ صوبہ و اسلام آباد اٹ رجسٹرڈ اوغان باہوٹ آتا 15 ہزار آن زیات حقدار خاہوت آتیٹی امداد بشخنگانے۔