کورونا ملک انا پدسلوک علاقہ غاتے کن بھاز ویل ودی کرینے، چیئرمین سینیٹ

0

Get real time updates directly on you device, subscribe now.

اسلام آباد (اے پی پی) چیئرمین سینیٹ محمد صادق سنجرانی تون گورنر پنجاب چوہدری محمد سرور پارلیمنٹ ہاوس اٹ اوڑدہی کرے۔ اوڑدہی ٹی اہم سیاسی و تین پہ تینی باندات آتیا گپ وتران کننگا۔ چیئرمین سینیٹ محمد صادق سنجرانی پنجاب حکومت نا کنڈآن کوروناوائرس نا دین انا تالانی ءِ توننگ کن کروک آ گام گیج آتا ستاءِ کرے ہراڑان ایلو ملک آتا مقابلہ ٹی دین انا تالانی ءِ توننگ اٹ گچین سرسہبی دوئی مس۔ چیئرمین سینیٹ پارے کہ کورونا وائرس نا دین ملک انا پدسلوک علاقہ و خاص کر چنکا صوبہ غاتے کن بھاز ویل ودی کرینے ہرافتا ایسری کن قومی ہم گرنچی و یکجہتی نا سخت گرج ءِ و داڑکن ایوان بالا قومی ہم آہنگی و بین الصوبائی رابطہ کاری کن تینا آئینی و کانودی کڑد ءِ ادا کننگ ءِ تانکہ ویل آتا اواری اٹ مقابلہ ءِ کننگ مرے۔ اوپارے کہ حکومت گچین حکمت عملی اٹ شونداری نا کچ اٹ ترندی اتنگ کن گام گیج کیک تانکہ ملک شونداری و شونہالی نا کسر آ روان مننگ کے۔

Get real time updates directly on you device, subscribe now.

Leave A Reply

Your email address will not be published.