حکومت گوادر نا الس نا زند انا آب ءِ گچین کننگ ءِ، میرقدوس بزنجو

کوئٹہ: وزیراعلیٰ بلوچستان و چیئرمین گوادر ڈیویلپمنٹ اتھارٹی میر عبدالقدوس بزنجو ناکماشی ٹی گوادر ڈویلپمنٹ اتھارٹی نا گورننگ باڈی نا 26میکو دیوان جی ڈی اے ناکنڈآن برجا شونداری ڈٹ اہم نوعیت نا شونداری اسکیم تیا پیش رفت‘ گوادر ناالس ءِ شادی کور و سوڈ ڈیم آن کنوئی ءُ سَفا ءُ دیر تننگ‘ گوادر اولڈ ٹاؤن نا بحالی‘ اک چائنا فرینڈ شپ ہسپتال نا ڈٹ“ گوادر اسمارٹ پورٹ سٹی ماسٹر پلان پیکیج ون آ عملدرآمد‘5 ایم جی ڈی ریورس آسموسس سی واٹر ڈی سیلینیشن پلانٹ، سینیٹر محمد اسحاق کرکٹ اسٹیڈیم نا اپ گریڈیشن و گوادر ڈیویلپمنٹ اتھارٹی نا پی پی اتھارٹی تون اوار کوآرڈینیشن آ پیشرفت نا جاچ ءِ ہلنگا“ صوبائی اسمبلی نا باسک و ممبر گورننگ باڈی میر حمل کلمتی، ایڈیشنل چیف سیکرٹری ڈٹ بندی و ترقیات حافظ عبدالباسط، چیئرمین گوادر پورٹ اتھارٹی پسند خان بلیدی و سیکرٹری خزانہ زاہد سلیم تون اوار ایلو تعلقدار کمامدار آک دیوان اٹ ساڑی ئسر‘ دیوان ءِ ڈی جی جی ڈی اے گوادر اٹ برجا شونداری ڈٹ آتتون اوار ایجنڈا پوائنٹ آتیا بریفنگ تس۔ دیوان اٹ اہم انگا ایجنڈا نا ٹک آتا منظوری تننگا‘ دیوان اٹ جی ڈی اے نا مالی سال 2022-23 انا اولسرجاچ و مالی سال 2023-24 انا سلاہی بجٹ نا منظوری تننگا‘ دیوان اٹ ماہی گیر تا رہائشی کالونی نا فیزیبلٹی کن 33.8 ملین روپئی نا منظوری ہم تننگا‘ ہندا وڑ دیوان ءِ جی ڈی اے ٹی چندی اسامی تیا تخلیق نا بابت سمری راہی کننگ نا پرمان کننگا‘ دیوان اٹ جی ڈی اے ٹی تعینات کنٹریکٹ اسٹاف نا پے اسکیل آ اولسر جاچ انا منظوری ہم تننگا‘ دیوان اٹ جی ڈی اے بزنس پلان نا بابت تکنیکی کمیٹی ٹہیفنگ نافیصلہ کننگا‘ دیوان اٹ جی ڈی اے ءِ اولسرجاچ گرانٹ ان ایڈ بزنس پلان نا بابت سمری راہی کننگ ناپرمان کننگا‘ وخت اس کہ دیوان اٹ جی ڈی اے سروس ریگولیشنز 2023 نا منظوری ہم تننگا‘ دیوان اٹ جی ڈی اے نا مسہ دئی جہانی سیل سواتی کانفرنس 2023 برلن اٹ بشخ ہلنگ نابابت 21.90 ملین روپئی نا پوسٹ فیکٹو منظوری ہم تننگا‘ داڑتون اوار جی ڈی اے کن ڈپٹی ڈائریکٹر لیگل نا ریکروٹمنٹ ناوڑو ڈول اٹ بدلی کننگ نا منظوری ہم تننگا‘ دیوان اٹ گوادر میرین ڈرائیو آ سیل سواتی ہند تفنگ کن بیچ فرنٹ ڈیویلپمنٹ نا منظوری تننگا‘ دیوان اٹ سولڈ ویسٹ مینجمنٹ کن جی ڈی اے نا تالان کروک 23 23 کلومیٹر سیوریج لائن نا میونسپل فنکشن ءِ لوکل گورنمنٹ نا بست وبند اٹ کننگ نا منظوری ہم تننگا وخت اس کہ جی ڈی اے ہاؤسنگ اسکیم نا ڈٹ انا بابت ہندا ڈٹ آ پین سجفنگ و ہاؤسنگ اسکیم نا ڈٹ ءِ محکمہ ڈٹ بندی و ترقیات ناسلابت آن پد گورننگ باڈی نا بروک آدیوان اٹ پیش کننگ نا پرمان کننگا دیوان آن تران کرسا وزیراعلیٰ پارے کہ گوادر ننا اہم ءُ کرکی شار اسے‘ گوادر نا شونداری کن صوبائی حکومت بھلو فنڈ اس تسنے‘ او پارے کہ صوبائی حکومت چندی شونداری ڈٹ آتا کمک اٹ الس نا زندی آب ءِ گچین کننگ اٹی ءِ و گوادر نا شونداری ءِ صوبائی حکومت اولیت ایتک۔

(خ ن)