راج انا کل تپہ غاک درخت تخنگ مہم اٹ بشخ ہلیر‘ ڈی سی کیچ
Get real time updates directly on you device, subscribe now.
تربت: ڈپٹی کمشنر کیچ جناب بشیر احمد بڑیچ تدوک آ دے عطاء شاد ڈگری کالج تربت اٹ باقاعدہ وڑاٹ درخت تخنگ مہم نا بنا ءِ کرے۔ او وخت آ ایڈیشنل ڈپٹی کمشنر تربت (جنرل) جناب تابش علی، ڈی ایچ او کیچ جناب عبداللطیف دشتی، پرنسپل عطاء شاد ڈگری کالج تربت پروفیسر اکبر علی و پرنسپل بی آر سی تربت ڈاکٹر عبدالواحد بلوچ تون اوار ایلو سرکاری کارندہ و طالبعلم آتا بھلو کچ اس پل خلسا گرین و کلین بلوچستان مہم اٹ تینا بشخ ءِ شاغا۔ اوکان گڈ ڈپٹی کمشنر کیچ بنائی دود اٹ اوار انگا بشخندار آتون ہیت وگپ کرسا پارینے کہ راج انا کل تپہ غاتے شجر کاری مہم اٹ بشخ ہلنگے تانکہ گرین و کلین بلوچستان مہم نا رداٹ صوبہ بلوچستان ءِ ماحولیاتی آلودگی آن پاک کننگے۔ داڑان بیدس ڈپٹی کمشنر کیچ پارینے کہ کل سرکاری ادارہ، سکول کالج و پبلک ہند آتیا زیات پلانٹیشن ءِ پک کننگے تانکہ ضلع کیچ ءِ زیبا کننگے۔
(خ ن)