الیکشن کمیشن نا قومی اسمبلی نا 33 نشست آتا گچین کاری تا پڑو

اسلام آباد: الیکشن کمیشن آف پاکستان (ای سی پی) قومی اسمبلی نا 33 نشست آ ضمنی گچین کاری نا شیڈول ءِ جاری کرینے، الیکشن کمیشن نا کنڈ آن جاری کروک نوٹی فکیشن نا رداٹ قومی اسمبلی نا 33 حلقہ غا 16 مارچ 2023 آ ضمنی گچین کاریک مریرہ، ہرافتے کن 6 فروری آن 8 فروری اسکان پندار کاغد دوئی کننگک، الیکشن کمیشن نا رد اٹ پندار کاغد آتا جانچ پڑتال 13 فروری اسکان مریک۔ الیکشن کمیشن این اے 4، این اے 17، این اے 18، این اے 25، این اے 26، این اے 32، این اے 38، این اے 43، این اے 52، این اے 53، این اے 54، این اے 57، این اے 59، این اے 60، این اے 62، این اے 63، این اے 67، این اے 97، این اے 126، این اے 130، این اے 155، این اے 156، این اے 191، این اے 241، این اے 242، این اے 243، این اے 244، این اے 247، این اے 250، این اے 252، این اے 254، این اے 256 و این اے 265 آ گچین کاری نا شیڈول ءِ جاری کرینے، یات سلے کہ قومی اسمبلی آن تحریک انصاف نا باسک آک استیفہ تسنو، ہرادے اسپیکر نا کنڈ آن منظور ہم کننگانے، قومی اسمبلی ٹی پی ٹی آئی نا دا وخت آ بیرہ قومی اسمبلی نا 2 باسک ءُ، ہرافتا استیفہ غاک چھٹی نا درخواست آتا سوب آن منظور مننگ کتنو۔

(آن لائن)