وزیراعظم شہباز شریف گرین لائن ایکسپریس ٹرین سروس نا بناءِ کرے

اسلام آباد :  وزیراعظم محمد شہباز شریف جمعہ نادے آ مارگلہ ریلوائی اسٹیشن اسلام آباد آ گرین لائن ایکسپریس ٹرین سروس نا بناءِ کرے۔ وزیراعظم آفس نا میڈیا ونگ آن جاری بیان نا رداٹ وزیراعظم دا وخت آ ٹرین اتی سفری آسراتی تا جاچ ءِ ہلک۔ داوخت آ وزیرخزانہ اسحاق ڈار، وزیر ریلوائی خواجہ سعد رفیق، وزیر ڈٹ بندی احسن اقبال وزیراعظم تون اوار ئسر۔ وزیر ریلوائی خواجہ سعد رفیق وزیراعظم ءِ ٹرین نا بارواٹی حوال تس۔ پوسکن آ آسراتی تیان شپ گرین لائن ایکسپریس ٹرین اسلام آباد آن کراچی براستہ پاکستان ریلویز مین لائن۔ ون پیسنجر سروس مہیا کیک۔ دا ٹرین راولپنڈی، چکلالہ، لاہور، خانیوال، بہاولپور، روہڑی، حیدر آباد و ڈرگ روڈ ریلوے اسٹیشن تیا سلک۔

(اے پی پی)