بلوچستان اٹی کورونا وائرس کیس آتیٹی اناگت ودکی

0

Get real time updates directly on you device, subscribe now.

کوئٹہ(آن لائن)بلوچستان اٹ کورونا وائرس کیس آتیٹی اناگت بھلو ودکی اس، 11 ضلع غاتے ٹی ناجوڑ آتیٹی  کورونا وائرس پک مسنے، محکمہ جانجوڑی بلوچستان نا کنڈآن جاری کروک آ رپورٹ نا رداٹ بلوچستان اٹ کورونا وائرس نا کیس آتیٹی کمتی آن پد تدوک آ دے  اناگت ودکی مس، 11 ضلع غاتے ٹی 471  بندغ نا کورونا ٹیسٹ کننگا ہرافتے ٹی 104 ناجوڑ آتیٹی وائرس پک مس ہراڑان صوبہ ٹی وائرس آن زہمی ناجوڑ آتا کچ 12 ہزار 664 مسنے۔ رپورٹ نا رداٹ 24 گھنٹہ غاتے ٹی 50  ناجوڑ آک کورونا آن پورو جانجوڑ مننگ آن پد دا وخت اسکان جانجوڑ مروک آ ناجوڑ آتا کل کچ 11 ہزار 510  مسنے۔ صوبہ ٹی کورونا ریکور کروک آتا شرح 91  درسد ءِ وخت اس کہ 1013  ناجوڑ درمان مننگ اٹی ءُ، اوفتا شرح بیرہ8  درسد ءِ، ایلو کنڈآ بلوچستان اٹ کورونا آن کہوک آتا کچ 141 ءِ، صوبہ ٹی کہوک آتا شرح اسہ درسد اسے وخت اس کہ داسہ 203  بندغ نا کروک آ کورونا ٹیسٹ نا لیبارٹری رپورٹ بننگ سلوک ءِ۔

Get real time updates directly on you device, subscribe now.

Leave A Reply

Your email address will not be published.