راولپنڈی ٹی چین انا کمک اٹ انٹرنیشنل یونیورسٹی جوڑ مریک، شیخ رشید احمد

0

Get real time updates directly on you device, subscribe now.

اسلام آباد (اے پی پی) بنجائی ریلوائی وزیر شیخ رشید احمد 7 کروڑ روپئی نا خڑچ آن ویمن یونیورسٹی سکستھ روڈ اٹ چارمزلہ ہاسٹل بلاک نا تفنگ نا بنداو ءِ تخا۔ داوخت آ اڈ ہلوک آ دود آن تران کرسا شیخ رشید احمد پارے کہ راولپنڈی نا ہر ڈھوک اٹی تعلیمی ادارہ جوڑ کرینن، راولپنڈی ءِ چین نا کمک اٹ اسہ جہانی ءُ یونیورسٹی اس ہم ایتنہ، ایڑھ لمہ غاتا دعاتا سوب آن مرک انا با آن پدی بسٹ، جوان انگا قوم اکن جوان انگا لمہ و جوان انگا استاد المی مریک، ہنداسوب ءِ کہ راولپنڈی ٹی تعلیمی ادارہ غاتا جال اس تالان کننگ نا عزم کرین و داڑا عملدرآمد کرین، مین لائن ون (ایم ایل ون) آ لمہ و چنا ہسپتال نا کاریم داسہ مسٹ نا جاگہ غا 6 بلین آ سرمس، لمہ چنا ہسپتال اسٹیٹ آف دی آرٹ ہسپتال مریک ہراٹی 14 آپریشن تھیٹر مریک۔ دانا نقشہ ءِ ای مانچسٹر آن ایسنٹ۔ چانڑدہ سال اسکان دا ہسپتال اٹ کاریم بند ئس۔ ڈسٹرکٹ ہیڈکوارٹر ہسپتال راجہ بازار ہم سواارب روپئی نا خڑچ آن پوسکن مننگ والا ءِ، داڑاکاریم بھاز زوت بناکیک۔ راولپنڈی ٹی اولیکو یونیورسٹی ءِ ہم ای جوڑ کریٹ و ارٹمیکو ءِ ہم۔ راولپنڈی ٹی چین نا کمک اٹ انٹرنیشنل یونیورسٹی اس تفنگک۔ ایم فل و پی ایچ ڈی کن دا یونیورسٹی نا الحاق ہم جہانی کہول آ مریک۔ ایم ایل ون آ وزیراعظم پاکستان عمران خان و چیف آف آرمی اسٹاف قمر جاوید باجوہ نا منت وار اُٹ ہرافتا کوشست آتیان ایم ایل ون منظور مس و داسہ 21 تاریخ ءِ دانا ٹینڈرہم لگک، 1886آن پد یک و نیم سال آن پد پاکستان نا تقدیر بدل مننگ والا ءِ، نالہ لئی آ 70 ارب روپئی خڑچ کننگک۔ لئی ایکسپریس وے 26 ارب روپئی نا پروجیکٹ ئس ہراکہ 14 سال انا تاخیر نا سوب آن 70 ارب روپئی آ ہنا سرمس۔ راولپنڈی اسہ رکھ ءُ شار اسے۔ ویمن یونیورسٹی ٹی سندھ انا 5 ہزار طالب علم خواننگ ءُ۔

Get real time updates directly on you device, subscribe now.

Leave A Reply

Your email address will not be published.