ملک اٹ کورونا کیس آتیٹی دوارہ ودکی نا پک گمان ارے، ڈاکٹر ظفر مرزا

اسلام آباد( آن لائن ) وزیراعظم نا خصوصی کمکار جانجوڑی ڈاکٹر ظفر مرزا پارینے کہ ملک اٹ کورونا آن مرک آتیٹی 80 درسد کمتی بسنے وخت اس کہ مثبت کیس آک 23 درسد آن کم مرسا 6 درسد آ بسنے۔ تدوک آ دے اسلام آباد اٹ نےوز کانفرنس کرسا ظفر مرزا پارینے کہ ملک اٹ دَین نا تالانی ٹی کمتی بسنے ہراڑا اللہ نا بھاز شکر ءِ ادا کروئی تمک، بھاز آ بندغ آک ناجوڑی ٹی کمتی نا بابت شکبری نا گواچی ءُ، ولے دا کمتی نا جہانی وڑ اٹ امنائی ءِ کننگانے کہ کس اسے ہچ ءُ شکبری نا گواچی مروئی اف۔ ڈاکٹر ظفر مرزا پارینے کہ اگہ مہالو کورونا نا 100 آن 23 ٹیسٹ مثبت بسرہ تو داسہ 6 یا 7 بننگ اٹی ءُ وخت اس کہ مرک آتیٹی 80 درسد کمتی مسنے، پاکستان اٹ کورونا نا ناجوڑی نا بابت کل ملکی و جہانی اندازہ غاک ہندن آن ہندن سلیسر او نن اسہ تُو اس مست جون اٹ دَین نا تالانی ءِ خنان۔ظفر مرزا پارینے کہ ملک ءِ داسہ 2 بھلو چیلنج بھلا عئید و محرم الحرام دوئی ءُ، ایلو ملک آتا آزموندہ غاتیان سما تمک کہ کورونا دَین اٹ کمتی آن پد ولدا ودکی مننگ کیک، ہندا سوب آن بروک آ دے تیٹی پاکستان اٹ ہم دَین اٹ ولدا ودکی نا بھلو گمان اس ارے، وخت اس کہ عئید آ ملنگ آن ناجوڑی نا تالانی ٹی ودکی مریک، اُلس بھاز زمواری نا درشانی ءِ کیر