الس ءِ جانجوڑی نا بنداوی آسراتی رسیفنگ ننا کل انا زمواری ءِ‘بادل دشتی

نوشکے (تلار حوالکار) رخشان ڈویژن نا ایڈیشنل کمشنر بادل دشتی DHQ سول ہسپتال نوشکے نادورہ ءِ کرے‘او آئسولیشن وارڈ، گائنی وارڈ، لیبارٹری، میل فیمیل وارڈ، ایمرجنسی شعبہ حادثات روم، او پی ڈی سینٹر، میڈیسن روم وایلو بشخ آتا جاچ ءِ ہلک۔ داوخت آ ڈی ایچ او صاحبزادہ ڈاکٹر فرید احمد، ایم ایس سول ہسپتال نوشکے ڈاکٹر ظفر مینگل، پیرا میڈیکل اسٹاف فیڈریشن نوشکے نا صدر میر بہاول خان مینگل، نیشنل ایمپلائز یونین نا صدر رازق زہری، ریاض مینگل وایلوفک ساڑی ئسر۔ دا وخت آ ایم ایس سول ہسپتال نوشکے ڈاکٹر ظفر مینگل ایڈیشنل کمشنر رخشان ڈویژن بادل دشتی ءِ سول ہسپتال نوشکے نا آسراتی و ویل آتا بارو اٹ بریفنگ تس‘ ایڈیشنل کمشنر رخشان ڈویژن بادل دشتی سول ہسپتال نوشکے نا دورہ ناوخت آ است جمی نادرشانی کرے و کارندہ غاتا کارکڑد ناستاءِ کرسا پارے کہ الس ءِ جانجوڑی نا بنداوی آسراتی رسیفنگ ننا کل انا زمواری ءِ۔ ایم ایس سول ہسپتال نوشکے ڈاکٹر ظفر مینگل و ڈی ایچ او نوشکے صاحبزادہ ڈاکٹر فرید احمد ضلع ٹی جانجوڑی نا آسراتی تیکن گچین وڑ اٹ کاریم کننگ اٹی ءُ۔