ورلڈ کپ 1999ء ٹی شاہد آفریدی ءِ اوار کننگ و سعید انور تون اوپننگ کرفنگ نا برخلاف ئسٹ‘عامر سہیل

لاہور (مانیٹرنگ ڈیسک) پاکستان کرکٹ نا مسکوہی کیپٹن عامر سہیل تینا ہیت آتا سوب آن بھاز پنی ءِ، او ساف پاننگ نا سوب آن مالو ہم کیہی جھیڑہ غاتے بش کرینے ۔ ہندا منہ وخت اٹ اونا اسہ بیان اس مون آ بسنے ہراڑا سوشل میڈیا و ایلو جاگہ غاتیٹی بھاز ہیت مننگ اٹی ءِ، یوٹیوب اٹ اسہ ویڈیو سے ٹی او 1999ء نا جہانی کپ اٹ پاکستان نا بے سہبی نا سوب آتے پارسا شاہد آفریدی نا بابت ہیت وگپ کرینے ۔ او پارینے کہ او ہمو ورلڈ کپ اٹ شاہد آفریدی ءِ اوار کننگ و سعید انور تون اودے اوپننگ کن راہی کننگ نا برخلاف ئس ۔ عامر سہیل پارینے کہ برطانوی گراؤنڈ آتیا شاہد آفریدی اوپننگ کن جوان ءُ گچینی اس الو انتئے کہ اونا گوازی نا وڑ اوڑے کاریم کننگ کتوکہ ۔ انتئے کہ اونا گوازی نا وڑ داڑے کاریم کننگ کتوکہ ۔ او مستی پارینے کہ او او بیٹنگ نا بنا کن محمد یوسف ءِ راہی کننگ نا حق اٹ ئس تانکہ او پُوسکن آ بال انا خلیس ءِ چٹفے ۔ او پارینے کہ ہراتم ای 1998ء ٹی ٹیم نا کیپٹن اسوٹ تو نن فیصلہ کریسُن کہ ورلڈ کپ 1999ء کن ننے داوڑ نا جوان ءُ اوپنر نا گرج ءِ ہرا وکٹ آ سلنگ کے او پُوسکن آ بال ءِ گوازی کننگ کے ۔ او پارینے کہ دا بدقسمتی نظر بریک کہ سیلیکٹر آک ہندن گراؤنڈ آ شاہد آفریدی ءِ ڈائی نا بنا ءِ کننگ کن راہی کننگا ایہن تو او فلیٹ و کم باؤنس والا پچ آتیا گوازی کننگ کریکہ ہراڑے او باوَلر آتے پریشر اٹ اتنگ کریکہ ۔ او پارینے کہ برطانیہ نا پچ آتیا اودے گوازی کرفنگ اسہ بھاز بھلو جوا اس ئس ۔ انتئے کہ آفریدی اوڑے نہ بیٹنگ کننگ کریکہ و نہ باوَلنگ کننگ کریکہ ۔ اگہ وسیم اکرم نا جاگہ غا ای کیپٹن مسوٹہ تو ای محمد یوسف ءِ اولیت تسوٹہ ۔