بنجا بلوچستان حکومت نا مالی ویل آتا ایسری کن کاریم کیک، چیئرمین سینیٹ

0

Get real time updates directly on you device, subscribe now.

اسلام آباد: چیئرمین سینیٹ میر صادق سنجرانی تون صوبائی وزیر خزانہ و کن خور انجینئر زمرک خان اچکزئی تدوک آ دے اہم ءُ اوڑدہی اس کرے۔ صوبائی سیکریٹری خزانہ کمبر دشتی ہم او وخت آ ساڑی ئس۔ اوڑدہی ٹی بلوچستان ءِ دوئی آ ویل و صوبہ نا مالیاتی ویل آتیا ہیت وگپ کریر و بنجائی حکومت نا ذمہ صوبائی حکومت نا واجبات آتا بقایاجات نا بابت ہیت وگپ کریر۔ چیئرمین سینیٹ صوبائی وزیر ءِ پارت کرسا پارینے کہ بنجائی حکومت بلوچستان نا مالی ویل آتا ایسری ٹی کڑدا ادا کیک و بنجائی حکومت تون بلوچستان ءِ دوئی ویل آتا ایسری و واجبات آتا بقایاجات آتا بارواٹ ہیت وگپ کننگک۔ چیئرمین سینیٹ پارینے کہ این ایف سی ایوارڈ نا صوبہ نا واجبات آتا بقایاجات نا ادائیگی کن وزیراعظم پاکستان شہباز تون اوڑدہی ہم کننگک۔ ہراٹی بلوچستان نا مالی ویل آتا ایسری کن دو ٹوک موقف دوئی کننگک و بلوچستان نا محرومی تے پورو کننگک۔ او وخت آ صوبائی وزیر خوراک و خزانہ انجینئر زمرک خان اچکزئی پارینے کہ بلوچستان حکومت بنجائی حکومت تون تینا حق آتا دوئی کننگ کن ہیت وگپ کیک۔ اگہ بنجاہ زوت اس بلوچستان ءِ مالی کمک فراوان کتو تو صوبہ نا اُلس نا احساس محرومی ٹی پین ودکی مریک و برجا انگا شونداری ڈٹ آتا کاریم توننگک۔ او پارینے کہ بنجائی حکومت صوبہ نا ذمہ واجبات آتے زوت اس ادا کیک تانکہ صوبہ نا مالی کاختی ایسر مرے۔

(خ ن)

Get real time updates directly on you device, subscribe now.

Leave A Reply

Your email address will not be published.