دیہی ترقیاتی اکیڈمی نا انفراسٹرکچر نا جوانی کن گام گیج کننگک‘ عبدالعزیز عقیلی

0

Get real time updates directly on you device, subscribe now.

کوئٹہ: چیف سیکرٹری بلوچستان عبدالعزیز عقیلی دیہی ترقیاتی اکیڈمی لوکل گورنمنٹ کمپلیکس نا دورہ ءِ کرے۔ چیف سیکرٹری کل ٹریننگ ہال، آڈیٹوریم، ہاسٹل و ایلو دفتر تا جاچ ءِ ہلک۔ ڈائریکٹر جنرل نعمت اللہ بابر و اکیڈمی نا کل اسٹاف ہم او وخت آ ساڑی ئس۔ چیف سیکرٹری ءِ بریفننگ ترسا سیکریٹری لوکل گورنمنٹ دوستین جمالدینی پارینے کہ دا وخت آ اکیڈمی ٹی سال انا پانزدہ سد افسر تے جتا جتا موضوع تیا ترتیب تننگک۔ چیف سیکرٹری کمپلیکس نا انتظام و سفائی ءِ تسلی بخش پن کرسا پارینے کہ انشاللہ دیہی ترقیاتی اکیڈمی ٹی اپریل یا اوکان پد صوبہ نا انتظامی افسر و سیکشن افسر تا پری سروس ٹریننگ نا انتظام ءِ ہم بنا کننگک و آخبت اٹ صوبہ نا افسر تے ایلو صوبہ غاتیان آنبار آسراتی دیہی ترقیاتی اکیڈمی ٹی فراوان کننگک۔ چیف سیکرٹری پارینے اکیڈمی نا انفراسٹرکچر ءِ جوان کننگک۔

(خ ن)

Get real time updates directly on you device, subscribe now.

Leave A Reply

Your email address will not be published.