پر تیان زہمی نصیر آباد ڈویژن نا پنجر نا بحالی ءِ اولیت ایتنہ، علی اکبر بلوچ

کوئٹہ : صوبائی سیکرٹری مواصلات و تعمیرات علی اکبر بلوچ پارینے کہ پر و نوکاپ آن زہمی آ نصیر آباد ڈویڑن اٹ انفراسٹرکچر نا جوانی و شونداری ڈٹ آتا وخت آ پوروی ءِ اولیت ایتک۔ دا خیال آتا درشانی ءِ او نصیر آباد جعفرآباد و صحبت پور اٹ برجا انگا شونداری کاریم تا جاچ ہلوک دیوان آن تران کرسا کرے کہ دیوان اٹ چیف انجینئر سبی زون حاجی علی احمد مینگل ٹیکنیکل ایڈوائزر مختیار کاکڑ آن بیدس نصیرآباد ڈویڑن نا انجینئر افسرک ہم ساڑی ئسر۔ او وخت آ دیوان ءِ نصیر آباد ڈویڑن اٹ برجا انگا شونداری کاریم تا بابت بریفنگ تس۔ او وخت آ سیکریٹری مواصلات و تعمیرات علی اکبر بلوچ برجا انگا شونداری ڈٹ آتے زوت اس پورو کننگ نا پارت کرسا پارینے کہ پر و نوکاپ ناسوب آن نصیر آباد ڈویژن نا روڈ و بلڈنگ انفراسٹرکچر ءِ بھاز نسخان رسینگانے ہرافتے بحال کننگ اسہ چیلنج اسے آن کم اف۔ وخت اس کہ کل انجینئر افسر آتے ہنگامی بنداو آ تینا ضلع ٹی شونداری ڈٹ آتے وخت آن مست پورو کے تانکہ زہمی آ علاقہ غاتے دا ڈٹ آتا میوہ غاک زوت اس رسینگر۔ سیکرٹری مواصلات و تعمیرات پارینے کہ برجا انگا شونداری ڈٹ آتے وخت آ پوروی آن دا ضلع غاتیٹی جوان ءُ اثر اس تمننگ تون اوار اوار دا علاقہ غاتا پد تمننگ ءِ مر کننگ اٹ جوان کمک رسینگک۔

(خ ن)