انگلینڈ وپاکستان نا کرکٹ ٹیم تا نیام اٹ مسہ جہانی ٹی ٹونٹی میچ آتا سیریز نااولیکو میچ جمعہ نادے آ مریک

مانچسٹر (اے پی پی) انگلینڈ وپاکستان نا کرکٹ ٹیم تا نیام اٹ مسہ جہانی ٹی ٹونٹی میچ آتیا تالان سیریز نا اولیکو میچ جمعہ نادے آ اولڈ ٹریفورڈ، مانچسٹر اٹی مریک۔ دا میچ ڈے اینڈ نائٹ مریک۔ داکان مست ہڑتوم آ ٹیم تا نیام اٹ مروک آ مسہ ٹیسٹ میچ آتا سیریزءِ انگلینڈ 0-1اٹ کٹاسس۔ انگلینڈ پاکستان ءِ اولیکو ٹیسٹ میچ اٹ 3 وکٹ آتے اٹ شکست تسوسس اوکان پد مروک آ ہڑتوم آ میچ آک کٹنگ وباتننگ نا فیصلہ غان بیدس چٹاسر۔ مسہ ٹی ٹونٹی میچ آتا سیریز اٹ پاکستان ٹیم نا کماشی ءِ بابراعظم کیک وخت اس کہ میزبان ٹیم آئن مورگن نا کماشی ٹی میدان اٹ دڑنگک۔ یات سلے کہ ہڑتوم آ ٹیم تا نیام اٹ مسہ ٹی ٹونٹی میچ آتا سیریز نا ارٹ میکو میچ 30 اگست آ وخت اس کہ مسہ میچ آتا سیریز نا مسٹ میکو و آخیریکو ٹی ٹونٹی کرکٹ میچ یکم ستمبر آ مریک۔ یات سلے کہ ٹی ٹونٹی سیریز نا ہرمسٹ آ میچ آک اولڈ ٹریفورڈ، مانچسٹراٹی ہی مریرہ۔ مسہ ٹی ٹونٹی میچ آتا سیریز نا اولیکو و مسٹ میکو میچ ڈے اینڈ نائٹ مریرہ وخت اس کہ ارٹ میکو ٹی ٹونٹی میچ ڈے مریک۔