اسٹار فٹبالر محمد احمد عتوی نا گہانی سم اس لگنگ آن ٹھپی
Get real time updates directly on you device, subscribe now.
لبنان (مانیٹرنگ ڈیسک) لبنان نا پنی آ اسٹار فٹبالر محمد احمد عتوی ناگہانی سم اسے نا گواچی مس۔ عرب میڈیا نا رداٹ فٹبالر محمد احمد عتوی بیروت دھماکہ غاتے ٹی تپاخت کروک آ فائر فائٹر نا نماز جنازہ ٹی ئس کہ ناگمان سم اس بس اونا کاٹم اٹ لگا ہراڑان او بھاز ٹھپی مس۔ عرب میڈیا پارینے کہ جنازہ نا وخت آ سم کاری آن کیہی بندغ آک ٹھپی مسر ہرافتے زوت اس طبی کمک کن خڑک انا ہسپتال آ رادہ کننگا۔ عرب میڈیا نا رداٹ سم کاری نا واقعہ ہچ ءُ دہشت گردی اس اف وخت اس کہ برام او جنازہ و ایلو بھلا دود آتے ٹی ہوائی سم کاری لبنان نا دود ربیدہ ءِ ہرانا سوب آن جنازہ ٹی ہم بھلو کچ اسے ٹی سم کاری مس او کیہی بندغ آک سم تا گواچی مسر۔ عرب میڈیا نا رداٹ 27 سال نا فٹبالر محمد احمد ءِ خراب ءُ حالیت اسے ٹی ہسپتال آ گدریفنگا ہراڑے ڈاکٹرک زوت اس آپریشن کرسا سم ءِ کشار ولدا ہم بھاز دتر ہننگ نا سوب آن اونا حالیت خراب ءِ۔