مستونگ، شکست اسے نا گواچی مروک آ گاڈی ٹی مسہ فٹبالر زوال

مستونگ(آن لائن)بلوچستان نا ضلع مستونگ اٹ فٹبالر تا گاڈی شکست اسے نا گواچی مس ہراٹی مسہ فٹ بالر تپاخت کریر وخت اس کہ ارا بندغ ٹھپی مسنو۔ تدوک آ دے ضلع مستونگ اٹ قومی شاہراہ غا کھڈکوچہ نا علاقہ بدرنگ اٹی قلات آن مستونگ آ بروک آ فٹبالر آتا آلٹو کار او ٹرک اٹ ڈوک لگار۔ ٹریفک نا افسوس ناک انگ شکست اٹی ماجد، عامر او نور محمد تپاخت کریر۔ وخت اس کہ ارا بندغ عبدالمالک او وسیم ٹھپی مسر۔ لیویز فورس موقع غا سر مرسا لاش او ٹھپی تے زوت اس شہیدنواب غوث بخش رئیسانی ہسپتال آ رادہ کرے افسوس ناک انگا شکست اٹی آلٹو کار گاڈی پورو وڑ اٹ بھس مسنے، شکست نا گواچی مروک آ آلٹو گاڈی ٹی سوار انگا بندغ آک قلات نا باتی ئسر او فٹبال میچ اکن قلات آن مستونگ آ بسرہ کہ بدرنگ اٹ شکست اسے نا گواچی مسر، ہراٹی مسہ فٹبالر تپاخت کریر او ارٹ بھاز ٹھپی مسر۔