میرحاصل بزنجو نا خاہوت تون ہڑزخواہی کروک آتا منتواری‘نیشنل پارٹی

کوئٹہ(آن لائن)نیشنل پارٹی نا بنجائی کماش او بنجائی کمیٹی نیشنل اسمبلی، سینٹ آف پاکستان او بلوچستان نا صوبائی اسمبلی نا ہندا کل کمامدار آتا اُست انا ہُب اٹ منتوار اُن ہرافک سخت انگا دا وخت اٹ میر جمہوریت سینٹر میر حاصل خان بزنجو نا خاہوت او پارٹی تون تینا یکجہتی نا درشانی ءِ کریر او خاص کر بلوچستان اسمبلی تعزیتی قرارداد اس پیش کرے دا بابت اٹ اپوزیشن نا کل جماعت آتا اسٹ اسٹ نا منتوار اُن او حکومتی باسک آتا ہرافک تینا جوان انگا زیبا انگا روایت آتا درشانی ءِ کرسا بلوچستان نا قومی روایت آتا خیال ءِ تخار، نن بلوچستان نیشنل پارٹی، پشتونخواہ ملی عوامی پارٹی، جمعیت علمائے اسلام، بلوچستان عوامی پارٹی، پاکستان تحریک انصاف او آجو باسک اسمبلی نواب محمد اسلم خان رئیسانی تون اوار ایلو کل باسک آتا منتوار اُن ہرافک غم و فریشانی نا دا وخت اٹ نیشنل پارٹی او بزنجو خاہوت تون یکجہتی نا درشانی ءِ کریر۔