بلوچستان، پنجاب و کے پی ٹی پوسکن آ بھلا پر تا پیشن گوئی
26جولائی آن یکم اگست اسکان ہر مسٹ آ صوبہ غاتیٹی بھاز بھلو پر اسے نا گمان ءِ، برجا پرک پین تیز مریرہ
Get real time updates directly on you device, subscribe now.
اسلام آباد : این ڈی ایم اے ساڑی پِر تا حالیت آ نیشنل ایمرجنسیز آپریشن سنٹر نادیوان اڈتننگا۔ این ای او سی دیوان ناکماشی ءِ قائم مقام چیئرمین این ڈی ایم اے کرے‘دیوان اٹ محکمہ موسمیات، فیڈرل فلڈ کمیشن، پی ڈی ایم ایک و ایلو محکمہ غاک بشخ ہلکر‘دیوان اٹ داسہ نا پِر تیان ودی مروک حالیت‘ ریسکیو و ریلیف آپریشن آ بریفنگ تننگا۔ محکمہ موسمیات پاکستان ناکنڈآن 26جولائی آن یکم اگست اسکان پنجاب بلوچستان وخیبر پختونخواہ ناقطبی علاقہ غاتے ٹی پین بھا پِر انا پیشنگوئی کرینے‘ صوبائی ڈیزاسٹر مینجمنٹ اتھارٹی تا کنڈآن داسہ ناپِر تیان پد کمک وبحالی نا گام گیج نا بارو اٹ معلومداری تننگانے۔ تربیلا ڈیم 81 درسَد وخت اس کہ منگلا ڈیم 77 درسَد اسکان پُر مسنے‘ ہر وڑانا ہلہلہ ئی حالیت آتتون مون تننگ کن شاہدرہ پول انا خڑک آساڑی راوی دریاب نا کسر نا گدرینگ ناہند و منگلا ڈیم انا کسر اٹ ساڑی تجاوزات آتے اینک کننگ نا بابت سجفنگا۔ قائم مقام چیئرمین تعلقدار محکمہ غاتا نیام اٹ ہم آہنگی ءِ سوگو کننگ ناپرمان کرینے‘۔ قائم مقام چیئرمین دریاب تا خڑک انا علاقہ غاتے ٹی ساڑی تجاوزات آتے اینک کننگ نا بابت سلاہ تیا زورشاغانے۔دیوان اٹ بشام نا گمانی خطرہ غاتا بارو اٹ الس ءِ معلومدار کننگ آ زور تننگانے۔
(آن لائن)