بولان پنجرہ پول نا پننگ آن پد ریلوے نا کرا تیٹی کمتی نا پڑو
کوئٹہ سبی چلینگوک آ شٹل ٹرین سروس نا کرا مہالو ہفت و نیم سد ئسکہ، دادے پنچ سد روپئی کننگانے
کوئٹہ : ڈی ایس ریلوے کوئٹہ فرید احمد پارینے کہ بولان اٹ پنجرہ پول انا پننگ نا سوب آن الس نا مشکل آتے مون آتخسا ریلوے ناکنڈآن کوئٹہ غان سبی و سبی آن کوئٹہ غا چینگوک شٹل ٹرین سروس نا کرا ءِ 750 روپئی آن کم کرسا 500 روپئی کننگانے‘ داڑتون اوار ریلوے ناکنڈآن الس نا آسراتی کن کوئٹہ غان کولپور کن اکانومی نا کرا 150 روپئی کوئٹہ غان مچھ انا کرا 250 روپئی و کوئٹہ غان آب گم انا کرا 300 روپئی ہندا وڑ کوئٹہ غان سبی نا کرا 500 روپئی ءِ۔ ڈی ایس ریلوے کوئٹہ فرید احمد پارے کہ ریلوے ناکنڈآن بلوچستان نامخوق ءِ سفر نا آسراتی فراوان کننگ کن شٹل سروس نا بناءِ کننگانے ہرا ہڑدے کوئٹہ غان سہب انا نُہہ نیم بجہ غا روانہ مریک‘ و نیمروچ نا دو نیم بجہ غا سبی آن کوئٹہ کن مسافر آتے اتیک و چار شنبے نا دے کوئٹہ غان ہنوک جعفر ایکسپریس و شٹل ٹرین ہچ مف دونیم ہزار مسافر ءِ سبی وایلو ہند آتیا اوفتا منزل آ سر کریر‘ ریلوے تینا زمواری تے گچین وڑ اٹ پورو کرسا مخلوق ءِ آسراتی فراوان کننگ اٹی ءِ نن کل دوئی وسیلہ غاتے کاریم اٹ اتسا مخلوق ءِ آسراتی فراوان کیک۔
(آن لائن)